339486
ມື້ນີ້
ມື້ວານນີ້
ອາ​ທິດ​ນີ້
ອາ​ທິດ​ທີ່​ແລ້ວ
ເດືອນ​ນີ້
ເດືອນທີ່ຜ່ານມາ
ວັນທັງຫມົດ
62
227
1076
336596
5166
10941
339486
Your IP: 3.84.130.252
2019-06-20 05:07

 

ສກຂ ສາລະວັນ ຖອດຖອນບົດຮຽນ

ຜົນການສອບເສັງຈົບຊັ້ນ ມ 4 ແລະ ມ7 ປະຈໍາສົກຮຽນ 2017-2018

                  ໃນຕອນບ່າຍວັນທີ 18 ຕຸລາຜ່ານມານີ້ ທີ່ຫ້ອງປະຊຸມພະແນກສຶກສາທິການ ແລະ ກິລາແຂວງ ສາລະວັນ ໄດ້ຈັດກອງປະຊຸມຖອດຖອນບົດຮຽນຜົນການສອບເສັງຈົບຊັ້ນ ມ4 ແລະ ມ7 ປະຈຳສົກຮຽນ 2017-2018 ຂຶ້ນຢ່າງເປັນທາງການ ໂດຍການເປັນປະທານຂອງທ່ານ ສີລິສັກ ຖະໜອມຮັກ ຫົວໜ້າພະແນກສຶກສາທິການ ແລະ ກິລາແຂວງ, ມີບັນດາຄະນະຮັບຜິດຊອບສູນສອບເສັງທົ່ວແຂວງເຂົ້າຮ່ວມ.

                      ໃນພິທີ ທ່ານ ສີລິສັກ ຖະໜອມຮັກ ກໍ່ໄດ້ໃຫ້ກຽດກ່າວໂອ້ລົມ ແລະ ມີຄໍາເຫັນຕໍ່ກອງປະຊຸມເຊິ່ງທ່ານໄດ້ ໃນການຈັດກອງປະຊຸມຖອດຖອນບົດຮຽນຄັ້ງນີ້ກໍ່ແມ່ນເປັນການຕີລາຄາຄືນຜົນການສອບເສັງຈົບຊັ້ນ ມ4 ແລະ ມ7 ປະຈຳສົກຮຽນ 2017-2018 ໃນໄລຍະຜ່ານມາມີຈຸດຂໍ້ສະດວກ, ຂໍ້ຫຍຸ້ງຍາກຄືແນວໃດ ແລ້ວພ້ອມກັນແກ້ໄຂຊອກຫາວິທີທາງໃນການປັບປຸງໃນຕໍ່ໜ້າເປັນຕົ້ນແມ່ນການກະກຽມການສອບເສັງໂດຍສະເພາະບັນດານິຕິກຳຕ່າງໆ, ການກວດກາບົດສອບເສັງ, ການຍາມຫ້ອງສອບເສັງຂອງຄະນະກຳມະການ, ການພິມສຳເນົາຫົວບົດສອບເສັງ, ການບັນທຶກຄະແນນສອບເສັງ, ການຕັດສິນໃຈ ແລະ ແຈ້ງຜົນການສອບເສັງ ເຊິ່ງບັນດາທ່ານທີ່ຮັບຜິດຊອບໃນແຕ່ລະສູນຈະໄດ້ລາຍງານບັນຫາທີ່ພົບໃນໄລຍະການສອບເສັງເພື່ອພ້ອມກັບປັບປຸງໃຫ້ດີຂຶ້ນເລື້ອຍໆ.

                      ທ່ານ ບຸນທຽມ ຈັນທະຈອນ ຫົວໜ້າຂະແໜງມັດທະຍົມ ກໍ່ໄດ້ລາຍງານບົດສະຫຼຸບການສອບເສັງຈົບຊັ້ນ ມ4 ແລະ ມ 7: ສຳລັບຊັ້ນມ 4 ມີນັກສອບເສັງທີ່ເຂົ້າຮ່ວມການສອບເສັງຕົວຈິງ 3.764 ຄົນ ຍິງ 1.814 ຄົນ, ສອບໄດ້ທັງໜົດ 3.746 ຄົນ ຍິງ 1.809 ຄົນ ເທົ່າກັບ 99.52%,​ ສອບຕົກ 18 ຄົນ ຍິງ 5 ຄົນ ເທົ່າກັບ 0.48%, ຊັ້ນ ມ7 ມີນັກສອບເສັງຕົວຈິງ 2.343​ຄົນ, ຍິງ 1.100 ຄົນ, ສອບໄດ້ທັງໜົດ 2.128 ຄົນ, ຍິງ 1.041 ຄົນ ເທົ່າກັບ 90.82%,​ ສອບຕົກ 215 ຄົນຍິງ 59 ຄົນ ເທົ່າກັບ 9.18%, ຈາກນັ້ນ ກອງປະຊຸມກໍ່ພ້ອມກັນປຶກສາຫາລືແລກປ່ຽນບົດຮຽນເຊິ່ງກັນ ແລະ ກັນເພື່ອເຮັດວຽກງານການສຶກສາໄດ້ຮັບຜົນສຳເລັດຢ່າງມີປະສິດທິພາບສູງ.

 

 

ຂ່າວໂດຍ: ແຫຼງຄຳ ບຸດນາໂຄກ

ອັບໂຫຼດຂ່າວໂດຍ: ໂອເລ້ ສິງຂາວເພັດ