313523
ມື້ນີ້
ມື້ວານນີ້
ອາ​ທິດ​ນີ້
ອາ​ທິດ​ທີ່​ແລ້ວ
ເດືອນ​ນີ້
ເດືອນທີ່ຜ່ານມາ
ວັນທັງຫມົດ
115
175
2089
309153
7388
8085
313523
Your IP: 34.228.55.57
2019-03-23 10:47

DSC 0533

ສກຂ ປະເມີນຜົນງານການປະຕິບັດວຽກງານຂອງລັດຖະກອນບໍລິຫານ

            ໃນຕອນເຊົ້າວັນທີ 18 ທັນວາ​ນີ້ ທີ່​ຫ້ອງ​ປະຊຸມ​ພະ​ແນ​ກສຶກສາ​ທິການ ​ແລະ ກິລາ​ແຂວງ ສາລະ​ວັນ ​ໄດ້​ຈັດ​ກອງ​ປະຊຸມ​ເຜີຍ​ແຜ່​ເອກະສານ​ການ​ປະ​ເມີນ​ຜົນງານ​ການ​ປະຕິບັດ​ວຽກ​ງານ​ຂອງ​ລັດຖະກອນ​ບໍລິຫານ ພະ​ແນ​ກສຶກສາ​ທິການ ​ແລະ ກິລາ​ແຂວງ, ສູນ​ໄອ​ຊີ​ທີ ​ແລະ ​ໂຮງຮຽນ​ອ້ອມ​ຂ້າງ ​ໂດຍ​ການ​ເຂົ້າ​ຮ່ວມ​ຂອງ​ ທ່ານ ສີ​ລິ​ສັກ ຖະໜອມ​ຮັກ ຫົວໜ້າ​ພະ​ແນ​ກສຶກສາ​ທິການ ​ແລະ ກິລາ​ແຂ​ວງ, ທ່ານ ນາງ ຄຳ​ແຫວນ ສີ​ສຸພັນ ຮອງ​ຫົວໜ້າ​ຄຸ້ມ​ຄອງ​ລັດຖະກອນ ພະ​ແນ​ກພາຍ​ໃນ​ແຂວງ, ຫົວໜ້າ​ຂະ​ແໜງ, ຮອງ​ຂະ​ແໜງ, ຜູ້ອຳ​ນວຍ​ການ​ໂຮງຮຽນ​ສາມັນ​ກິນນອນ​ຊົນ​ເຜົ່າ, ຜູ້ອຳນວຍ​ການ​ໂຮງຮຽນ​​ເຕັກນິກວິຊາ​ຊີບ, ສູນ​ການ​ສຶກສານ​ອກ​ໂຮງຮຽນ, ສູນ​​ໄອ​ຊີ​ທີ ພ້ອມ​ດ້ວຍ​ວິຊາ​ການພະ​ແນ​ກສຶກສາ​ເຂົ້າ​ຮ່ວມ.

DSC 0536            ​ໃນ​ພິທີ ທ່ານ ສີ​ລິ​ສັກ ຖະໜອມ​ຮັກ ກໍ່​ໄດ້​ໃຫ້ກຽດມີ​ຄຳ​ເຫັນ​ໂອ້​ລົມ​ຕໍ່ ພະນັກງານ​ລັດຖະກອນ​ບໍລິຫານ ​ພະ​ແນ​ກສຶກສາ​ທິການ ​ແລະ ກິລາ​ແຂວງ ​ພ້ອມ​ທັງ​ຜ່ານ​ເອກ​ກະສາ​ນດຳລັດ​ລັດຖະບານ​ ​ເລກທີ 300/ລບລົງ​ວັນ​ທີ 13 ກັນຍາ 2017 ວ່າ​ດ້ວຍ​ການ​ປະ​ເມີນ​ຜົນ​ການ​ປະຕິບັດ​ວຽກງານ​ຂອງ​ພະນັກງານ​ລັດຖະກອນ, ​ຄຳ​ແນະນຳ ​ເລກທີ 06/ພນ ລົງ​ວັນ​ທີ 2 ພຶດສະພາ 2018 ການຈັດ​ຕັ້ງ​ປະຕິບັດ ​ດຳລັດ​ວ່າ​ດ້ວຍ​ ການ​ປະ​ເມີນ​ຜົນ​ການ​ປະຕິບັດ​ວຽກ​ງານ​ຂອງ​ພະນັກງານ​ລັດ​ກອນ ເປັນ​ຕົ້ນ​ແມ່ນ ການ​ເຊື່ອມ​ຊຶມ ​ແລະ ​ເຊື່ອ​​ໜັ້ນຕໍ່​ອຸດົມ​ການ​ຂອງ​ພັກ, ມີ​ຫຼັກ​ໜັ້ນ ຈຳ​ແນ​ກມິດ ສັດຕູ​ຢ່າງ​ຈະ​ແຈ້ງ, ຮູ້​ແນວທາງ​ນ​ໂຍບາຍ​, ຮັບຜິດຊອບ​ວຽກ​ງານ​ທີ່​ໄດ້​ຮັບ​ມອບ​ໜາຍ,​​ ເຊື່ອ​ໜັ້ນຕໍ່​ກຳລັງ​ແຮງ​ຂອງ​ມະຫາຊົນ, ​ເຄົາລົບ, ປະຕິບັດ​ກົດ​ໜາຍ ​ແລະ ລະບຽບ​ການ​ຂອງ​ລັດ, ​ເສຍສະຫຼະ​​ເພື່ອ​ສ່ວນ​ລວມ ​ແລະ ການຈັດ​ຕັ້ງ, ດຸ​ໜັ່ນ, ພາກ​ພຽນ ສັດ​ຊື່ ປະ​ຍັດ ​ແລະ ປອດ​ໃສ, ມີ​ລະບຽບ​ວິ​ໄນ ​ແລະ ​ເຄົາລົບ​ຕໍ່​ການຈັດ​ຕັ້ງ, ມີ​ນ້ຳ​ໃຈ​ຮັກ​ຊາດ ສຸພາບ​ຮຽບຮ້ອຍ, ​ເຮັດ​ແທ້​ທຳ​ຈິງ​ຮຽນ​ຮູ້​ພັດທະນາ​ຕົນ​ເອງ, ມີ​ຄວາມ​ຫ້າວຫັນ, ມີ​ຄວາມ​ກະຕືລື​ລົ້ນ ມີ​ຫົວຄິດ​ປະດິດ​ສ້າງ ​ແລະ ​ເຮັດ​ວຽກ​ເປັນ​ໜູ່ຄະນະ, ມີ​ຈັນ​ຍາ​ບັນ, ມີ​ແບບ​ແຜນ​ວິທີການຈັດ​ຕັ້ງ​ປະຕິບັດ​ວຽກງານ ຈາກນັ້ນຜູ້ເຂົ້າຮວ່ມການ​ປະ​ເມີນ​ຜົນງານ​ການ​ປະຕິບັດ​ວຽກ​ງານ​ຂອງ​ລັດຖະກອນ ກໍ່ຈະ​ໄດ້ສືບຕໍ່ແບ່ງຈຸຄົ້ນຄວ້າແລະ ຜ່ານບົດປະ​ເມີນຕົນເອງພາຍໃນຈຸ ພ້ອມທັງຈັດປະເພດ​​ໃຫ້ແກ່ຕົນເອງແລະ ສະມາຊິກໃນກຸ່ມດ້ວຍຄວາມເຫັນດີເປັນເອກະພາບໃນການຈັດຕັ້ງປະຕິບັດຢ່າງແທ້ຈິງ.

DSC 0534

ຂ່າວໂດຍ: ແຫຼງຄຳ ບຸດນາໂຄກ

ອັບໂຫຼດຂ່າວໂດຍ: ໂອເລ້ ສິງຂາວເພັດ