313554
ມື້ນີ້
ມື້ວານນີ້
ອາ​ທິດ​ນີ້
ອາ​ທິດ​ທີ່​ແລ້ວ
ເດືອນ​ນີ້
ເດືອນທີ່ຜ່ານມາ
ວັນທັງຫມົດ
146
175
2120
309153
7419
8085
313554
Your IP: 34.228.55.57
2019-03-23 11:08

ppp5

ສກຂ ສາລະວັນ ຝຶກອົບຮົມພັດທະນາຂີດຄວາມສາມາດຂອງຄູຝຶກຂັ້ນແຂວງ

ເພື່ອນຳໃຊ້ຫຼັກສູດສະບັບປັບປຸງໃໜ່ສຳລັບຊັ້ນປະຖົມສຶກສາ

          ໃນຕອນເຊົ້າວັນທີ 18 ກຸມພາ 2019ນີ້ ທີ່ຫ້ອງປະຊຸມສູນໄອຊີທີ ໄດ້ຈັດກອງປະຊຸມຝຶກອົບຮົມສ້າງຂີດຄວາມສາມາດໃຫ້ແກ່ຄູຝຶກຂັ້ນແຂວງ ເພື່ອນຳໃຊ້ຫຼັກສູດສະບັບປັບປຸງໃໜ່ສຳລັບຊັ້ນປະຖົມສຶກສາ ໂດຍພາຍໃຕ້ການເປັນປະທານຂອງທ່ານ ສີລິສັກ ຖະໜອມຮັກ ຫົວໜ້າພະແນກສຶກສາທິການ ແລະ ກິລາແຂວງ, ມີທ່ານ ທອງສະຫວັນ ນາມມີໄຊ ຮອງຫົວໜ້າພະແນກພັດທະນາຫຼັກສູດ ສະຖາບັນບໍລິຫານການສຶກສາ, ມີຄູຝຶກຫຼັກແຫຼ່ງ, ຄູຝຶກຂັ້ນແຂວງຈາກພະແນກສຶກສາ ແລະ 8 ຕົວເມືອງ, ວິທະຍາໄລຄູສາລະວັນເຂົ້າຮ່ວມ.

           ppp1 ໃນພິທີ ທ່ານ ສີລິສັກ ຖະໜອມຮັກ ຫົວໜ້າພະແນກສຶກສາທິການ ແລະ ກິລາແຂວງ, ກໍ່ໄດ້ໃຫ້ກຽດກ່າວເປີດກອງປະຊຸມຢ່າງເປັນທາງການ ເຊິ່ງທ່ານກໍ່ໄດ້ເນັ້ນໜັກໃຫ້ບັນດາຄູຝຶກຂັ້ນແຂວງທີ່ເຂົ້າຮ່ວມຝຶກອົບຮົມຄັ້ງຈົ່ງເອົາໃຈໃສ່ໃນການແລກປ່ຽນຄຳຄິດຄຳເຫັນ, ປຶກສາຫາລືໃນການສຶກສາຄົ້ນຄວ້າເພື່ອນຳເອົາບົດຮຽນທີ່ລ້ຳຄ່າຄັ້ງນີ້ໄປນຳໃຊ້ໃຫ້ເກີດປະສິດທິພາບໃນເມືອງຂອງຕົນໃນຂັ້ນຕໍ່ໄປ ແນ່ໃສ່ເພື່ອພັດທະນາຄວາມເຂົ້າໃຈຢ່າງເລິກເຊິ່ງກ່ຽວກັບບົດບາດໜ້າທີ່ ແລະ ພະລະຂອງຄູຝຶກປະຈຳແຂວງໃນລະບົບການຝຶກອົບຮົມຄູປະຈຳການ, ແນະນຳກ່ຽວກັບທັກສະດ້ານວິຊາຊີບທີ່ຈຳເປັນ ແລະ ແນວຄິດສຳລັບຜົນສຳເລັດໃນການເປັນຄູຝຶກປະຈຳແຂວງ, ສຶກສາສະພາບຄວາມເປັນຈິງຂອງຫ້ອງຮຽນປະຖົມໃນ ສປປ ລາວ ແລະ ສິ່ງທີ່ພົວພັນກັບບົດບາດໜ້າທີ່ຂອງການເປັນຄູຝຶກປະຈຳແຂວງ, ແນະນໍາກ່ຽວກັບທັກສະການອໍານວຍຄວາມສະດວກແບບມີສ່ວນຮ່ວມເພື່ອອໍານວຍຄວາມສະດວກໃນການຮຽນຮູ້ຂອງຜູ້ໃຫຍ່ຢ່າງມີປະສິດທິພາບ ທ່ານຍັງໄດ້ຮຽກຮ້ອງໃຫ້ບັນດາຄູຝຶກຈົ່ງເຂົ້າຮ່ວມຢ່າງສຸດກົກສຸດປາຍເພື່ອແນ່ໃສ່ນຳເອົາສິ່ງທີ່ໄດ້ຮຽນຮູ້ໄດ້ຢ່າງເຕັມເມັດເຕັມໜ່ວຍ ພ້ອມທັງເປັນການສ້າງໃຫ້ວຽກງານການສຶກສາພາຍໃນແຂວງເວົ້າລາວ ເວົ້າສະເພາະກໍ່ແມ່ນພາຍໃນເມືອງມີບາດກ້າວອັນໃໜ່ທີ່ດີຂຶ້ນເປັນຕົ້ນແມ່ນການນຳໃຊ້ຫຼັກສູດສະບັບປັບປຸງໃໜ່ສຳລັບຊັ້ນປະຖົມສຶກສາໃຫ້ຖືກຕ້ອງ ແລະ ສອດຄ່ອງກັບສະພາບຕົວຈິງ.

            ໃນການຝຶກອົບຮົມຄັ້ງນີ້ ສຳມະນາກອນຈະໄດ້ຮຽນຮູ້ກ່ຽວກັບພາລະບົດບາດ, ໜ້າທີ, ທັກສະ ແລະ ຄວາມຮູ້, ການສັງເກດການສອນໃນຫ້ອງຮຽນຊັ້ນປະຖົມ, ຫຼັກສູດຊັ້ນປະຖົມສຶກສາສະບັບໃໜ່, ເດັກປະຖົມຮຽນຮູ້ແບບໃດ - ການພັດທະນາຂອງເດັກ, ທັກສະການຈັດການຝຶກອົບຮົມ ແລະ ການຮຽນຮູ້ຂອງຜູ້ໃຫຍ່, ການຝຶກຊອ້ມການຈັດການຝຶກອົບຮົມ, ທັກສະການເຮັດວຽກແບບມືອາຊີບ ແລະ ທັດສະນະຄະຕິຂອງຄູຝຶກຫຼັກແຫຼ່ງ, ການພັດທະນາວິຊາຊີບແບບຕໍ່ເນື່ອງ, ທົບທວນ ແລະ ການສະທ້ອນຄືນ ເຊິ່ງຈະດຳເນີນເປັນເວລາ 5 ວັນຈຶ່ງສຳເລັດ.

 

ຂ່າວໂດຍ: ແຫຼງຄຳ ບຸດນາໂຄກ

ອັບໂຫຼດຂ່າວໂດຍ: ໂອເລ້ ສິງຂາວເພັດ