313514
ມື້ນີ້
ມື້ວານນີ້
ອາ​ທິດ​ນີ້
ອາ​ທິດ​ທີ່​ແລ້ວ
ເດືອນ​ນີ້
ເດືອນທີ່ຜ່ານມາ
ວັນທັງຫມົດ
106
175
2080
309153
7379
8085
313514
Your IP: 34.228.55.57
2019-03-23 10:45

IMG 9601

ສກມ ລະຄອນເພັງ

ຊຸກຍູ້ ແລະ ເຜີຍແຜ່ແຜນພັດທະນາຍຸດທະສາດຂອງການສຶກສາ.

      ໃນຕອນເຊົ້າຂອງວັນທີ 5 ມີນາ 2019 ນີ້ທີ່ສະໂມສອນໂຮງຮຽນ ມສ ລະຄອນສີ ເມືອງ ລະຄອນເພັງ ໄດ້ຈັດກອງປະຊຸມຊຸກຍູ້ການສິດສອນຂອງຄູ-ອາຈານ ແລະ ເຜີຍແຜ່ແຜນພັດທະນາຍຸດທະສາດຂອງການສຶກສາ ໂດຍໃຫ້ກຽດເຂົ້າຮ່ວມເປັນປະທານຂອງ ທ່ານ ສີລິສັກ ຖະໜອມຮັກ ຫົວໜ້າພະແນກສຶກສາທິການ ແລະ ກິລາແຂວງ ສາລະວັນ, ທ່ານ ຄຳຫວັນ ສີສະອາດ ຮອງຫົວໜ້າຫ້ອງການສຶກສາທິການ ແລະ ກິລາ ເມືອງ ລະຄອນເພັງ, ພ້ອມວິຊາການພາຍໃນຫ້ອງການ,ຄູ-ອາຈານ, ພ້ອມດ້ວຍນ້ອງນັກຮຽນຊັ້ນມ 7 ເຂົ້າຮ່ວມທັງໝົດຈໍານວນ 196 ທ່ານ, ຍິງ 111 ທ່ານ.

      IMG 9596 ໃນກອງປະຊຸມດັ່ງກ່າວ ທ່ານ ສີລິສັກ ຖະໜອມຮັກ ຫົວໜ້າພະແນກສຶກສາທິການ ແລະ ກິລາ ແຂວງ ສາລະວັນ, ກໍ່ໄດ້ໃຫ້ກຽດໂອລົມຕໍ່ພະນັກງານ,ຄູ-ອາຈານ ແລະ ນ້ອງນັກຮຽນໃນຄັ້ງນີ້, ພ້ອມທັງໄດ້ຍົກໃຫ້ເຫັນເຖິງຄວາມສໍາຄັນຂອງວຽກງານການສຶກສາໂດຍເລັງໃສ່ແຜນພັດທະນາຍຸດທະສາດຂອງການສຶກສາໃຫ້ມີຄຸນນະພາບ ແລະ ຖືເອົາວຽກງານການສຶກສາເປັນໃຈກາງໃນການພັດທະນາຊັບພະຍາກອນມະນຸດ ແລະ ເພື່ອຜັນຂະຫຍາຍແຜນພັດທະນາໂຮງຮຽນ ໃຫ້ປະຕິບັດຕາມ 2 ໜ້າທີ່ຍຸດທະສາດ ໃນການປົກປັກຮັກສາ ແລະ ສ້າງສາພັດທະນາປະເທດຊາດ ແລະ ເອົາໃຈໃສ່ປະຕິບັດໃຫ້ຄົບຕາມ 5 ຫຼັກມູນຂອງການສຶກສາທີ່ກະຊວງສຶກສາທິການ ແລະ ກິລາວາງອອກເປັນຕົ້ນແມ່ນ ຄຸນສົມບັດສຶກສາ,ປັນຍາສຶກສາ.ແຮງງານສຶກສາ, ພະລະສຶກສາ ແລະ ສິລະປະສຶກສາ.

     ໃນການຈັດການກອງປະຊຸມ ຊຸກຍູ້ການສິດສອນຂອງຄູ-ອາຈານ ແລະ ເຜີຍແຜ່ແຜນພັດທະນາຍຸດທະສາດຂອງການສຶກສາ ຄັ້ງນີ້ກໍ່ເພື່ອເປັນການເຜີຍແຜ່ໃຫ້ພະນັກງານໃນຫ້ອງການ,ຄູ-ອາຈານ ແລະ ນ້ອງນັກຮຽນຮັບຮູ້ ແລະ ພ້ອມກັນຈັດຕັ້ງປະຕິບັດວຽກງານການສຶກສາໃຫ້ໄດ້ຮັບຄຸນນະພາບ ແລະ ໃຫ້ນ້ອງນັກຮຽນມີການຄົ້ນຄິດເອົາໃຈໃສ່ຕໍ່ການສຶກສາຮ່ໍາຮຽນໃຊ້ເວລາຫວ່າງໃຫ້ເກີດປະໂຫຍດ.

                 ນ ໝຸດດາໄລ ແກ້ວອຸ່ນເຮືອນ ລາຍງານ ຈາກ ສກມ ລະຄອນເພັງ

ອັບໂຫຼດຂ່າວໂດຍ: ໂອເລ້ ສິງຂາວເພັດ