313499
ມື້ນີ້
ມື້ວານນີ້
ອາ​ທິດ​ນີ້
ອາ​ທິດ​ທີ່​ແລ້ວ
ເດືອນ​ນີ້
ເດືອນທີ່ຜ່ານມາ
ວັນທັງຫມົດ
91
175
2065
309153
7364
8085
313499
Your IP: 34.228.55.57
2019-03-23 10:42

ຄະນະໂຄສະນາສຶກສາແຂວງກວາງຈິ້ ສສ ຫວຽດນາມ

ພົບ​ປະ​ເຮັດ​ວຽກຮ່ວມ​ກັບ ສກຂ ສາລະ​ວັນ

​       ໃນ​ຕອນ​ເຊົ້າວັນ​ທີ 31 ຕຸລານີ້ ທີ່​ຫ້ອງ​ປະຊຸມ​ພະ​ແນ​ກສຶກສາ​ທິການ ​ແລະ ກິລາ​ແຂວງ ​ໄດ້​ຈັດ​ພິທີ​ຕ້ອນຮັບ​ການ​ມາ​ເຮັດ​ວຽກ​ຂອງ​ຄະນະ​ຜູ້ແທນຄະນະໂຄສະນາສຶກສາແຂວງກວາງຈິ້ ສສ ຫວຽດນາມ ພົບ​ປະ​ເຮັດ​ວຽກ​ຮ່ວມ​ກັບ ພະ​ແນ​ກສຶກສາ​ທິການ ​ແລະ ກິລາ​ແຂວງ ​ໂດຍ​ເປັນ​ກຽດ​ເຂົ້າ​ຮ່ວມ​ໃນ​ພິທີ​ຂອງ​ທ່ານ ສີ​ລິ​ສັກ ຖະໜອມຮັກ ກຳມະການພັກແຂວງ ຫົວໜ້າ​ພະ​ແນ​ກສຶກສາ​ທິການ ​ແລະ ກິລາ​ແຂວງສາລະ​ວັນ​, ທ່ານ ​ໂຮ່ດ້າຍນາມ ກຳມະການພັກແຂວງ ຫົວໜ້າຄະນະໂຄສະນາສຶກສາແຂວງ ​ກວາງ​ຈິ ພ້ອມ​ຄະນະ ມີ​ບັນດາ​ຄະນະ​ພະ​ແນ​ກ, ຫົວໜ້າ​ຂະ​ແໜງ ​ແລະ ວິຊາ​ການ​ເຂົ້າ​ຮ່ວມ.

       ການ​ລົງ​ພົບ​ປະ​ເຮັດ​ວຽກ​​ໃນ​ຄັ້ງ​ນີ້​ກໍ່​ເພື່ອ​ແລກປ່ຽນຂໍ້ມູນກ່ຽວກັບວຽກງານການສຶກສາ, ການ​ຮ່ວມ​ມື​ກໍ່ສ້າງ​ຊັບພະຍາ​ກອນມະນຸດ ແລະ ວຽກງານສອບເສັງຄັດເລືອກນັກຮຽນເຂົ້າຮຽນ​ຂອງບັນດາມະຫາວິທະຍາໄລ, ຊັ້ນສູງ, ໂຮງຮຽນວິຊາຊີບຢູ່ແຂວງ ກວາງຈິ້ ​ເຊິ່ງມີ​ເກືອບ 30 ​ແຫ່ງ​ທີ່​ເປີດ​ການ​ສິດສອນ​ວິຊາ​ຊີບ​ຮັບ​ໃຊ້​ໃຫ້​ແກ່​ການ​ສົ່ງ​ອອກ​ແຮງ​ງານ ​ແລະ ຕອບ​ສະໜອງ​ຄວາມ​ຕ້ອງການ​ຂອງ​ໂຮງ​ຈັກ​ໂຮງງານ, ຫົວໜ່ວຍ​ທຸລະ​ກິດ​ທັງ​ພາຍ​ໃນ ​ແລະ ຕ່າງ​ແຂວງ.

       ​ໃນ​ພິທີ ທ່ານ ສີ​ລິ​ສັກ ຖະໜອມຮັກ ​ກຳມະການ​ພັກ​ແຂວງ ຫົວໜ້າ​ພະ​ແນ​ກສຶກສາ​ທິການ ​ແລະ ກິລາ​ແຂວງ ກໍ່​ໄດ້​ລາຍ​ງານ​ສະພາບ​ຈຸດ​ພິ​ເສດ​ການ​ສຶກສາ​ແຂວງ ​ແລະ ການ​ຮ່ວມ​ມື​ກັບ​ແຂວງ​ກວາງ​ຈິ້​ເປັນ​ຕົ້ນ​ແມ່ນ ​ແຂວງ​ສາລະ​ວັນ​ແມ່ນ​ໄດ້​ເຊັນ​ບົດ​ບັນທຶກ​ຊົງ​ຈຳ​ຮ່ວມ​ມື​ໃນ​ການ​ຊ່ວຍ​ເຫຼືອກໍ່ສ້າງ​ຊັບພະຍາກອນ​ມະນຸດກັບ 6 ​ແຂວງ​ຂອງ ສສ ຫວຽດນາມ​ເຊັ່ນ: ​ແຂ​ວງ ກວາງ​ຈິ້, ​ເທື່ອ​ນທຽນ​ເຫວ້, ນະຄອນ​ດາ​ນັງ, ​ແຂວງ ກອນ​ຕູມ, ບິ່ງ​ດິ້ງ ​ແລະ ດົ່ງ​ຖາບ. ນອກຈາກ​ນັ້ນ​ ກໍ່​ໄດ້​ເຊັນ​ສັນຍາ​ຮ່ວມ​ມື​ກັບ ບັນດາ​ສະ​ຖາ​ບັນ​ການ​ສຶກສາ​ຂອງ ສສ ຫວຽດນາມ ​ເຊັ່ນ: ມະຫາ​ວິທະຍາ​ໄລ​ດາ​ນັງ, ວິທະຍາ​ເຂດ​ກອນ​ຕູມ, ມະຫາວິທະຍາ​ໄລ​ຮ່າ​ຕິ໋ງ, ວິທະຍາ​ໄລ​ແພດສາດ​ກວາງ​ຈິ້ ​ແລະ ວິທະຍາ​ໄລ​ແພດສາດ​ຮ່າ​ຕິ໋ງ. ສຳລັບ​ການຈັດ​ຕັ້ງ​ປະຕິບັດ​ບົດ​ບັນທຶກ​ຊ່ວຍ​ຈຳ​ໃນ​ຂົງ​ເຂດ​ວຍກງານ​ການ​ສຶກສາ​ຮ່ວມ​ກັບ​ແຂວງ​ກວາງ​ຈິ້ກໍ່ມີ​ທັງ​ງການ​ຮ່ວມ​ມື​ຊ່ວຍ​ເຫຼື​ກໍສ້າງ​ພື້ນຖານ​ໂຄງ​ລ່າງ ​ເປັນ​ຕົ້ນ ​ໃນ​ສົກ​ປີ 2020-2011 ​ໄດ້​ໃຫ້ການ​ຊ່ວຍ​ເຫຼືອກໍ່ສ້າງ​ອາຄານ​ໂຮງຮຽນ​ມັດທະຍົມ​ຕົ້ນ​ອາ​ສົກ ​ເມືອງ ສະ​ໜ້ວຍ ມູນ​ຄ່າ 1,5 ຕື້​ດົ້ງ, ​ໃນ​ສົກ​ປີ 2011-2012 ​ໃຫ້ການ​ຊ່ວຍ​ເຫຼືອກໍ່ສ້າງ​ອາຄານ​ຫ້ອງການ​ຄູ​ໂຮງຮຽນ​ຊົນ​ເຜົ່າ​ແຂວງ ສາລະ​ວັນ​ມູນ​ຄ່າ 6 ຕື້​ດົ້ງ, ການ​ຮ່ວມ​ມື​ຊ່ວຍ​ເຫຼືອກໍ່ສ້າງ​ຊັບພະຍາກອນ​ມະນຸດ​ແມ່ນ​ໄດ້​ຈັດ​ສົ່ງ​ນັກຮຽນ ​ແລະ ພະນັກ​ງານ​ໄປ​ສຶກສາ​ຕໍ່​ທັງ​ຊ່ວຍ​ເຫຼືອ​ລ້າ 100% ​ແລະ ທຶນ​ສ່ວນ​ຕົວ.

       ໃນ​ແຕ່​ລະ​ປີ​ຈະ​ຜັດປ່ຽນ​ກັນ​ພົບ​ປະ​ຢ້ຽມຢາມ, ຖອດ​ຖອນ​ບົດຮຽນ​ໃນ​ການ​ຮ່ວມ​ມື​ກໍ່ສ້າງ​ນັກ​ສຶກສາ, ຝ່າຍ​ພະ​ແນ​ກສຶກສາ​ທິການ ​ແລະ ກິລາ​ແຂວງ​ສາລະ​ວັນ​ຈະ​ຊ່ວຍ​ເຫຼືອ​ໂຄສະນາ​ເຜີຍ​ແຜ່​ຂໍ້​ມູນ​ການ​ສຶກສາ, ຮັບ​ສະ​ໜັກ​ນັກ​ສຶກສາ​ໃຫ້​ແກ່​ວິທະຍາ​ໄລ​ກວ້າງ​ຈິ ​ເພື່ອ​ເປັນ​ການກໍ່ສ້າງ​ຊັບພະຍາກອນ​ມະນຸດ​ໃນ​ຂະ​ແໜງ​ການ​ສຶກສາ​ໃຫ້​ມີ​ຄວາມ​ຮູ້​ຄວາມ​ສາມາດ ​ແລະ ມີ​ຄວາມ​ກ້າວ​ໜ້າ​ທາງ​ດ້ານ​ວຽກງານ​ການ​ສຶກສາ​ນັບ​ມື້​ນັບ​ຂະຫຍາຍຕົວ​ສູງຂຶ້ນ​ເລື້ອຍໆ. 

 

 

ຂ່າວໂດຍ: ແຫຼງຄຳ ບຸດນາໂຄກ

ອັບໂຫຼດຂ່າວໂດຍ: ໂອເລ້ ສິງຂາວເພັດ