313531
ມື້ນີ້
ມື້ວານນີ້
ອາ​ທິດ​ນີ້
ອາ​ທິດ​ທີ່​ແລ້ວ
ເດືອນ​ນີ້
ເດືອນທີ່ຜ່ານມາ
ວັນທັງຫມົດ
123
175
2097
309153
7396
8085
313531
Your IP: 34.228.55.57
2019-03-23 10:48

yy5

ສກຂ ສາລະ​ວັນ ຝຶກ​ອົບຮົມ​ຄະນະ​ພັດທະນາ​ການ​ສຶກສາ​ຂັ້ນ​ບ້ານ​

ເພື່ອ​ສ້າງ​ຄວາມ​ເຂັ້ມ​ແຂງ​ໃນ​ຂະ​ແໜງ​ການ​ສຶກສາ

   ພະແນກສຶກສາທິການ ແລະ ກິລາ ແຂວງ ສາລະວັນ ( ສກຂ ) ໄດ້ໄດ້ຈັດກອງປະຊຸມຝຶກອົບຮົມຄະນະພັດທະນາການສຶກສາຂັ້ນບ້ານ, ວຽກງານປຸກສ້າງຫ້ອງກຽມປະຖົມ ພາຍໃຕ້ໂຄງການ ການສຶກສາກ່ອນໄວຮຽນ ໃນຕອນເຊົ້າວັນທີ 12 ມີນາ 2019 ໂດຍພາຍໃຕ້ການເປັນປະທານຂອງທ່ານ ນາງ ທອງໃບ ໄຊຍະສານ ຮອງຫົວໜ້າພະແນກສຶກສາທິການ ແລະ ກິລາ ແຂວງສາລະວັນ, ທ່ານ ແສງເພັດ ຊຸມພົນພັກດີ ຫົວໜ້າພະແນກອອກແບບກໍ່ສ້າງ ແລະ ສ້ອມແປງ ກົມການເງິນ, ກະຊວງ ສຶກສາທິການ ແລະ ກິລາ, ມີທ່ານຫົວໜ້າຫ້ອງການສຶກສາທິການ ແລະ ກິລາເມືອງ ລະຄອນເພັງ, ເມືອງເລົ່າງາມ, ທິມງານຂັ້ນກະຊວງ, ຂັ້ນແຂວງ, ຂັ້ນເມືອງ, ຄະນະພັດທະນາການສຶກສາຂັ້ນບ້ານຂອງເມືອງເລົ່າລະຄອນເພັງ ແລະ ເມືອງເລົ່າງາມ ເຂົ້າຮ່ວມຈຳນວນ 50 ທ່ານ ຍິງ 5 ທ່ານ.

       ໃນພິທີ ທ່ານ ນາງ ທອງໃບ ໄຊຍະສານ ຮອງຫົວໜ້າພະແນກສຶກສາທິການ ແລະ ກິລາແຂວງກໍ່ໄດ້ໃຫ້ກຽດມີຄຳຄິດຄຳເຫັນຕໍ່ກອງປະຊຸມ ເຊິ່ງທ່ານໄດ້ກ່າວເນັ້ນໜັກເຖິງບັນດາຄະນະພັດທະນາການສຶກສາຂັ້ນບ້ານຈົ່ງເອົາໃຈໃສ່ໃນການຝຶກອົບຮົມຄັ້ງນີ້ດ້ວຍຄວາມຕັ້ງໃຈເພື່ອຈະຖອດຖອນບົດຮຽນຮ່ວມກັນທັງ 2 ເມືອງຄືເມືອງ ລະຄອນເພັງ ແລະ ເມືອງ ເລົ່າງາມ ຮ່ວມກັບ ທິມງານກະຊວງ, ທິມງານຂັ້ນແຂວງ, ຂັ້ນເມືອງ ເພື່ອຮັບຮູ້ ແລະ ເຂົ້າໃຈຢ່າງເລິກເຊິ່ງເຖິງພາລະບົດບາດທີ່ສໍາຄັນຂອງຄະນະພັດທະນາການສຶກສາຂັ້ນບ້ານທີ່ມີຕໍ່ຂະແໜງການສຶກສາເປັນຕົ້ນແມ່ນການເຂົ້າໂຮງຮຽນຂອງເດັກສຳລັບເຂດຫ່າງໄກສອກຫຼີກ, ບໍ່ມີໂຮງຮຽນຢູ່ພາຍໃນບ້ານ, ບໍ່ມີໂຮງຮຽນທີ່ເໜາະສົມ ຫຼື ເປັນໂຮງຮຽນທີ່ບໍ່ສົມບູນ, ບໍ່ມີຫ້ອງກຽມປະຖົມ, ຂາດຄູສອນຢູ່ກັບບ້ານ ອາຄານສະຖານທີ່ ແລະ ອຸປະກອນບາງຢ່າງໃນການຮຽນ - ການສອນ, ຊຸມຊົນບໍ່ທັນເຂົ້າໃຈຢ່າງເລິກເຊິ່ງກ່ຽວກັບຄວາມສຳຄັນຂອງຂະແໜງການສຶກສາ, ຄອບຄົວຍັງຂາດເຂີນບໍ່ມີທຶນສົ່ງລູກເຂົ້າໂຮງຮຽນ, ດັ່ງນັ້ນ, ເພື່ອແກ້ໄຂບັນຫາເຫຼົ່ານີ້ໂຄງການ ການສຶກສາກ່ອນໄວຮຽນ ແມ່ນຈະໄດ້ສະໜອງຫ້ອງກຽມປະຖົມພ້ອມເຟີນີເຈີ, ຫ້ອງນໍ້າ ແລະ ອຸປະກອນເຄື່ອງຫຼິ້ນ ເພື່ອດຶງດູດຄວາມສົນໃຈ ຂອງເດັກນ້ອຍທີ່ຈະເຂົ້າມາຮຽນ ແລະ ທີ່ສໍາຄັນກໍ່ແມ່ນຄະນະພັດທະນາການສຶກສາຂັ້ນບ້ານຕ້ອງໄດ້ເປັນເຈົ້າການໃນປຸກລະດົມພໍ່ແມ່ປະຊາຊົນໃຫ້ສົ່ງລູກຫຼານຂອງຕົນໄດ້ຮ່ຳຮຽນໜັງສື ໂດຍສົມທັບກັບອຳນາດການປົກຄອງຜູ້ບໍລິຫານການສຶກສາຂັ້ນເມືອງ, ຜູ້ອຳນວຍການໂຮງຮຽນ ແລະ ຄູອາຈານ ເພື່ອຊອກຫາວິທີການດຶງດູດຈິດໃຈ ແລະ ສ້າງຄວາມສົນໃຫ້ເດັກນ້ອຍຢາກຮຽນໜັງສືໃຫ້ຫຼາຍຂຶ້ນ.

       ທ່ານໄດ້ກ່າວຕື່ມອີກວ່າ: ໃນໄລຍະຂອງກອງປະຊຸມຝຶກອົບຮົມນີ້ ແມ່ນຮຽກຮ້ອງໃຫ້ຄະນະພັດທະນາການສຶກສາຂັ້ນບ້ານຈົ່ງປະຕິບັດໂມງເວລາຢ່າງເຂັ້ມງວດ, ມີບັນຫາໃດທີ່ຍັງຂ້ອງຄາໃຈກໍ່ໃຫ້ປຶກສາຫາລືແລກປ່ຽນເຊິ່ງກັນ ແລະ ກັນເພື່ອໃຫ້ມີຄວາມເຂົ້າໃຈຫຼາຍຂຶ້ນໃນການຈັດຕັ້ງປະຕິບັດໃນຕໍ່ໜ້າໃຫ້ເກີດດອກອອກຜົນ ແລະ ມີປະສິດທິພາບສູງບົນພື້ນຖານຄວາມສາມັກຄີ.

       ໃນບັ້ນຝຶກອົບຮົມຄັ້ງນີ້ ນັກສຳມະນາກອນກໍ່ຄືຄະນະພັດທະນາການສຶກສາຂັ້ນບ້ານ ຈະໄດ້ຮຽນຮູ້ກ່ຽວກັບສະພາບລວມຂອງໂຄງການ, ການຄຸ້ມຄອງບໍລິຫານວຽກປຸກສ້າງໂຮງຮຽນ ໂດຍຊຸມຊົນເປັນເຈົ້າການ, ລະບົບການເງິນຂອງໂຄງການ, ວຽກງານສິ່ງແວດລ້ອມ ແລະ ຟອມກວດກາການປຸກສ້າງໂດຍຊຸມຊົນເປັນເຈົ້າການໃຫ້ແກ່ທິມງານຂັ້ນແຂວງ ແລະຂັ້ນເມືອງ ແລະ ຄະນະພັດທະນາການສຶກສາຂັ້ນບ້ານ.

 

ຂ່າວໂດຍ: ແຫຼງຄຳ ບຸດນາໂຄກ

ອັບໂຫຼດຂ່າວໂດຍ: ໂອເລ້ ສິງຂາວເພັດ