313541
ມື້ນີ້
ມື້ວານນີ້
ອາ​ທິດ​ນີ້
ອາ​ທິດ​ທີ່​ແລ້ວ
ເດືອນ​ນີ້
ເດືອນທີ່ຜ່ານມາ
ວັນທັງຫມົດ
133
175
2107
309153
7406
8085
313541
Your IP: 34.228.55.57
2019-03-23 10:50

wer5

ສກຂ ສາລະວັນ ທາບທາມຄວາມເຫັນດີເປັນເອກະພາບ

ໃນການສ້າງກອງທຶນກິລາ-ກາຍະກຳແຂວງທີ່ເມືອງ ວາປີ

          ພະແນກສຶກສາທິການ ແລະ ກິລາແຂວງ ສາລະວັນ ( ສກຂ ) ໄດ້ລົງທາບທາມຮ່າງນິຕິກຳຂໍ້ຕົກລົງຂອງທ່ານເຈົ້າແຂວງວ່າດ້ວຍ: ການຄຸ້ມຄອງກອງທຶນສົ່ງເສີມ ແລະ ພັດທະນາກິລາ - ກາຍະກຳຂອງແຂວງ ໃນຕອນບ່າຍຂອງວັນທີ 12 ມີນາ 2019 ທີ່ຫ້ອງປະຊຸມຫ້ອງການສຶກສາທິການ ແລະ ກິລາເມືອງ ວາປີ ໂດຍເປັນກຽດເຂົ້າຮ່ວມຂອງທ່ານ ສີລິສັກ ຖະໜອມຮັກ ຫົວໜ້າພະແນກສຶກສາທິການ ແລະ ກິລາແຂວງ ສາລະວັນ, ມີທ່ານ ກິແກ້ວ ໄຊຍະລາດ ຮອງເລຂາພັກເມືອງ ຫົວໜ້າຄະນະຈັດຕັ້ງເມືອງ ທັງເປັນສະມາຊິກສະພາປະຊາຊົນແຂວງເຂດເລືອກຕັ້ງເມືອງ ວາປີ, ມີບັນດາທ່ານຫົວໜ້າ, ຮອງຫົວໜ້າຫ້ອງການອ້ອມຂ້າງເມືອງ ແລະ ຄະນະຮັບຜິດຊອບຮ່າງນິຕິກຳລຸ່ມກົດໜາຍຂອງພະແນກສຶກສາທິການ ແລະ ກິລາແຂວງ ເຂົ້າຮ່ວມທັງໜົດ 23 ທ່ານ ຍິງ 3 ທ່ານ.

            ໃນພິທີຜູ້ເຂົ້າຮ່ວມກໍ່ໄດ້ຮັບຟັງການຜ່ານຂໍ້ຕົກລົງແຕ່ງຕັ້ງຄະນະຮັບຜິດຊອບຮ່າງນິຕິກຳລຸ່ມກົດໜາຍຂອງພະແນກ ແລະ ນຳສະເໜີເຫດຜົນ, ຄວາມຈຳເປັນ,​ສະພາບການຮ່າງນິຕິກຳ, ໂຄງສ້າງ ແລະ ຜົນໄດ້ຮັບຂອງຮ່າງນິຕິກຳ ເຊິ່ງນຳສະເໜີໂດຍ ທ່ານ ສີລິສັກ ຖະໜອມຮັກ ຫົວໜ້າພະແນກສຶກສາທິການ ແລະ ກິລາແຂວງ, ພ້ອມທັງໄດ້ຕັ້ງບັນຫາເຈາະຈິ້ມເພື່ອເປັນທິດທາງໃນການຄົ້ນຄວ້າທາບທາມ ເຊິ່ງຜູ້ແທນກອງປະຊຸມກໍ່ໄດ້ຮ່ວມກັນປະກອບຄຳຄິດຄຳເຫັນຢ່າງກົງໄປກົງມາ ເພື່ອເຮັດໃຫ້ການປັບປຸງຮ່າງນິຕິກຳໃຫ້ມີຄວາມສົມບູນແທດເໜາະ ແລະ ສອດຄ່ອງກັບບັນດາກົດໜາຍເຊິ່ງໄດ້ເຫັນດີເປັນເອກະພາບໃນການສ້າງຕັ້ງກອງທຶນສົ່ງເສີມ ແລະ ພັດທະນາກິລາ - ກາຍະກໍາຂອງແຂວງ, ເຊິ່ງມອບໃຫ້ພະແນກສຶກສາທິການ ແລະ ກິລາແຂວງ ໃນນາມຜູ້ປະຈຳການຂອງສະມາຄົມກິລາ - ກາຍະກຳແຂວງ ເປັນທີ່ຕັ້ງຂອງກອງທຶນ ທັງນີ້ກໍ່ເພື່ອເປັນການເປັນການລະດົມທຶນຮອນ ແນ່ໃສ່ໃຫ້ມີກອງທຶນໄດ້ເຄື່ອນໄຫວ ຝຶກຊ້ອມ ແລະ ແຂ່ງຂັນ ເພື່ອພັດທະນາກິລາ - ກາຍະກໍາໃນທົ່ວແຂວງໃຫ້ມີປະສິດທິຜົນ.

 

ຂ່າວໂດຍ: ແຫຼງຄຳ ບຸດນາໂຄກ

ອັບໂຫຼດຂ່າວໂດຍ: ໂອເລ້ ສິງຂາວເພັດ