331149
ມື້ນີ້
ມື້ວານນີ້
ອາ​ທິດ​ນີ້
ອາ​ທິດ​ທີ່​ແລ້ວ
ເດືອນ​ນີ້
ເດືອນທີ່ຜ່ານມາ
ວັນທັງຫມົດ
151
333
2052
326352
7770
7546
331149
Your IP: 54.234.227.202
2019-05-24 15:17

DSC 0622

ສກຂ ສາລະ​ວັນ ຊຸກຍູ້​ວຽກງານ​ໄອ​ຊີ​ທີ ​ໃນ​ຂະ​ແໜງ​ການ​ສຶກສາ

            ​​ໃນ​ຕອນ​ເຊົ້າ​ວັນ​ທີ 14 ມັງກອນ​ນີ້ ສູນ​ໄອ​ຊີ​ທີ ພະ​ແນ​ກສຶກສາ​ທິການ ​ແລະ ກິລາ​ແຂວງ ສາລະ​ວັນ​ໄດ້​ລົງ​ເຄື່ອນ​ໄຫວ​ຊຸກຍູ້​ວຽກ​ງານ​ໄອ​ຊີ​ທີ​ຢູ່​ໂຮງຮຽນ​ມັດທະຍົມ ທີ່​ມີ​ຫ້ອງ​ສອນ​ຄອມ​ພິວ​ເຕີ​ໃນ​ທົ່ວ​ແຂວງ ​ໂດຍ​ເປັນກຽດ​ເຂົ້າ​ຮ່ວມ​ຂອງ​ທ່ານ ສຸ​ນີ ນາມມະ​ບົວ​ລີ ຮອງ​ຫົວໜ້າ​ພະ​ແນ​ກສຶກສາ​ທິການ ​ແລະ ກິລາ, ທ່ານ ​ເສົາ​ສະໜາ​ນ ​ເຫຼົາ​ສະ​ດິດ ຫົວໜ້າ​ສູນ​​ໄອຊີ​ທີ, ມີ​ທ່ານ​ຫົວໜ້າ​ຫ້ອງການ​ສຶກສາ​ທິການ ​ແລະ ກິລາ​ເມືອງ ສາລະ​ວັນ, ທ່ານ​ຜູ້ອຳນວຍການ​ໂຮງຮຽນ, ຄູ​ອາຈານ​ເຂົ້າ​ຮ່ວມ​ຢ່າງ​ພ້ອມພຽງ.

            ​ໃນ​ພິທີ ທ່ານ ສຸ​ນີ ນາມມະ​ບົວ​ລີ ຮອງ​ຫົວໜ້າ​ພະ​ແນ​ກສຶກສາ​ທິການ ​ແລະ ກິລາ ກໍ່​ໄດ້​ໃຫ້ກຽດ​ໂອ້​ລົມ ​ແລະ ມີ​ຄຳ​ເຫັນ​ຕໍ່​ຄູ​ອາຈານ​ເຊິ່ງທ່ານ​ໄດ້​ກ່າວ​ວ່າ: ຜ່ານ​ມາ​ບັນດາ​ໂຮງຮຽນ​ມັດທະຍົມ​ໃນ​ທົ່ວ​ແຂວງ​ແມ່ນ​ໄດ້​ຮັບ​ການ​ຊ່ວຍ​ເຫຼືອ​ຈາກ​ໂຄງການ, ​ພັກ​ ລັດ ​ແລະ ​ເອກະ​ຊົນ ​ເພື່ອ​ນຳ​ໃຊ້​ໄອ​ຊີ​ທີ​ເຂົ້າ​ໃນ​ການ​ຮຽນ - ການ​ສອນ , ​ເພື່ອ​ຜະລິດ​ສື່​ການ​ສອນ​ແບບ​ເອ​ເລັດ​ໂຕຼນິກ ​ເຮັດ​ໃຫ້​ນັກຮຽນ​ເກີດ​ຄວາມ​ສົນ​ໃຈ ຄວາມ​ກະຕືລື​ລົ້ນ, ​ໄດ້​ເຫັນ​ພາບ​ປະຈັກ​ຕາ​ທີ່​ສື່ສານ​ໃຫ້​ເຂົ້າ​ໃຈ​ບົດຮຽນ​ໄດ້​ງ່າຍຂຶ້ນ, ຄູສອນວິຊາໄອຊີທີພາຍຫຼັງຮຽນທິດສະດີ ກໍ່ຕ້ອງນຳພານັກຮຽນປະຕິບັດຕົວຈິງທຸກໆຊົ່ວໂມງໃຫ້ຫຼາຍຂຶ້ນໂດຍສະເພາະຄວາມຮູ້ພື້ນຖານກ່ຽວກັບການນຳໃຊ້ ໄມໂຄຊອບ office ​ແລະ ສ້ອມ​ແປງ​ ມ້າງ-ປະກອບ​ຄອມ​ພິວ​ເຕີ ​ເພາະ​ຖ້າ​ນັກຮຽນ​ໄດ້​ສຳຜັດ​ຄອມ​ພິວ​ເຕີ​ເວລາ​ເຮັ​ດພາກ​ປະຕິບັດ​ຕົວ​ຈິງ ນັກຮຽນ​ຈະ​ສາມາດ​ຈື່​ຈຳ​ໄດ້​ດົນ ​ແລະ ​ເປັນຄວາມ​ຮູ້​ທີ່​ເຊື່ອມ​ໂຍງ​ກັບ​ວິຊາ​ຊີບ​ໄດ້, ຄູ​ອາຈານ​ກໍ່ຕ້ອງ​ເຝິກຝົນ​ຮ່ຳຮຽນ​ໃນ​ການ​ນຳ​ໃຊ້​ຄອມ​ພິວ​ເຕີ, ຝຶກ​ການ​ແຕ່ງ​ບົດ​ສອນ​ໃສ່​ຄອມ,​ ​ແອບ​ສ້າງ ​ແລະ ຜະລິດ​ສື່​ການ​ຮຽນ - ການ​ສອນ​ແບບ​ເອ​ເລັກ​ໂຕຼນິກ, ສຳລັບ​ຜູ້​ທີ່​ຮັບຜິດຊອບ​ວຽກ​ງານ​ໄອ​ທີ​ຂອງ​ໂຮງຮຽນ​ກໍ່ຕ້ອງ​ໄດ້​ຄົ້ນຄວ້າ ພັດທະນາ​ຄວາມ​ຮູ້​ຂອງ​ຕົນ​ເອງ​ຢູ່​ສະ​ເໜີ.

    DSC 0635        ​ໃນ​ການ​ລົງ​ຊຸກຍູ້​ຕິດຕາມ​ຄັ້ງ​ນີ້​ຈຸດປະສົງ​ທີ່​ສຳຄັນ​ແມ່ນ​ເພື່ອ​ສຶກສາ​ສະພາບ​ບັນຫາ, ຂໍ້​ສະດວກ ຂໍ້​ຫຍຸ້ງຍາກ​ຂອງ​ການ​ນຳ​ໃຊ້​ຄອມ​ພິວ​ເຕີ​ເຂົ້າ​ໃນ​ການ​ຮຽນ​ການ​ສອນ ​ແລະ ບໍລິຫານ​ວຽກ​ງານ​ຕ່າງໆ​ພາຍ​ໃນ​ຄອບຄົວ, ​ເພື່ອ​ຊຸກຍູ້​ໃຫ້​ຄູ​ອານຈານ ພະນັກງານ​ໃນ​ຂະ​ແໜງ​ການ​ສຶກສາ ​ໄດ້​ນຳ​ໃຊ້​ໄອ​ທີ​ເຂົ້າ​ໃນ​ການ​ບໍລິຫານ​ວຽກ​ຫ້ອງການ, ສາມາດ​ນຳ​ໃຊ້​ຄອມ​ເຂົ້າ​ໃນ​ການ​ແຕ່ງ​ບົດ​ສອນ, ຜະລິດ​ສື່​ການ​ສອນ​ແບບ​ເອ​ເລັກ​ໂຕຼນິກ, ວິຊາ​ການ, ຄູປະຈຳຫ້ອງ​ໄດ້ນຳ​ໃຊ້​ສູ​ດ​ໃນ​ເອັກ​ເຊ​ວຄິດ​ໄລ່​ຄະ​ແນນ​ນັກຮຽນ, ຈັດ​ທີ, ຕິດຕາມ​ປະ​ເມີນ​ຜົນ​ການ​ຮຽນ​ຂອງ​ນັກຮຽນ, ປະ​ເມີນ​ຜົນ​ການ​ສອນ​ຂອງ​ຄູ​ແຕ່​ລະວິ​ຊາ ​ແລະ ສ້າງ​ຂີດ​ຄວາມ​ສາມາດ​ໃຫ້ພະນັກງານ​ທີ່​ຮັບຜິດຊອບ​ວຽກ​ໄອ​ທີ​ແຕ່ລະ​ຂັ້ນ​ມີ​ຄວາມ​ເຂັ້ມ​ແຂງ​ສາມາດ​ຄຸ້ມ​ຄອງ​ຫ້ອງ​ຄອມ, ຮູ້​ວິທີ​ບຳລຸງ​ຮັກສາ ສ້ອມ​ແປງ​ເອງ​ກັບ​ທີ່​ໄດ້. ຈາກ​ນັ້ນ​ກໍ່​ໄດ້​ນຳ​ແບບ​ສອບ​ຖາມ​ຄວາມ​ຮູ້​ດ້ານ​ໄອ​ທີ​ໃຫ້​ແກ່​ພະນັກງານ​ຄູ​ອາຈານ​​ໄດ້​ບັນທຶກ​ຕາມ​ສະພາ​ບຄວາມຮູ້​ຄວາມ​ເຂົ້າ​ໃຈ​ຂອງ​ຕົນ​ເອງ​ໃນ​ການ​ນຳ​ໃຊ້​ຄອມ​ພິວ​ເຕີ ທັງ​ນີ້​ກໍ່​ພື່ອ​ເປັນ​ປະ​ໂຫຍ​ດ​ໃນ​ການ​ພັດທະນາ​ວຽກ​ງານ​ໄອ​ຊີ​ໃນ​ໂຮງຮຽນ​ໃຫ້​ນັບ​ມື້​ນັບ​ມີ​ການ​ຂະຫຍາຍຕົວ​ຢ່າງ​ກວ້າງຂວາງ.                  

 

ຂ່າວໂດຍ: ແຫຼງຄຳ ບຸດນາໂຄກ

ອັບຫຼດຂ່າວໂດຍ: ໂອເລ້ ສິງຂາວເພັດ