331120
ມື້ນີ້
ມື້ວານນີ້
ອາ​ທິດ​ນີ້
ອາ​ທິດ​ທີ່​ແລ້ວ
ເດືອນ​ນີ້
ເດືອນທີ່ຜ່ານມາ
ວັນທັງຫມົດ
122
333
2023
326352
7741
7546
331120
Your IP: 54.234.227.202
2019-05-24 15:05

 

DSC 0041

ສກຂ ສາລະ​ວັນຖອດ​ຖອນ​ບົດ​ຮຽນ​

ພາກຮຽນ​ທີ 1 ​ແລະ ວາງ​ແຜນການ​ພາກຮຽນ​ທີ 2 ສົກປີ 2018-2019

ພະ​ແນ​ກສຶກສາ​ທິການ ​ແລະ ກິລາ ​ແຂວງ ສາລະ​ວັນ ( ສກຂ ສາລະ​ວັນ ) ສະຫຼຸບ​ພາກຮຽນ​ທີ 1 ​ແລະ ວາງ​ແຜນການ​ໃນ​ພາກຮຽນ​ທີ 2 ​ສົກປີ 2018-2019 ​ໃນ​ຕອນ​ເຊົ້າ​ວັນ​ທີ 12 ມີນາ 2019 ທີ່​ຫ້ອງ​ປະຊຸມ​ພະ​ແນ​ກສຶກສາ​ທິການ ​ແລະ ກິລາ ​ແຂວງ ສາລະ​ວັນ, ​ໂດຍ​ພາຍ​ໃຕ້​ການ​ເປັນ​ປະທານ​ຂອງ​ທ່ານ ສີ​ລິ​ສັກ ຖະໜອມ​ຮັກ ຫົວໜ້າ​ພະ​ແນ​ກສຶກສາ​ທິການ ​ແລະ ກິລາ​ແຂວງ ສາລະ​ວັນ, ທ່ານ ບຸນລຽງ ນໍລະສິງ ( ສສຂ ) ຮອງປະທານຄະນະກຳມະທິການວັດທະນະທຳ - ສັງຄົມ ແລະ ບັນດາເຜົ່າ, ມີ​ທ່ານ ຄະນະ​ພະ​ແນ​ກ, ທ່ານຮອງເຈົ້າເມືອງ, ຫົວໜ້າ​ຂະ​ແໜງ, ຫົວໜ້າ​ຫ້ອງການ​ສຶກສາ​ທິການ ​ແລະ ກິລາ​ເມືອງ 8 ​ເມືອງ, ຜູ້ອຳນວຍການ​ໂຮງຮຽນ ​ມສ ທົ່ວ​ແຂວງ, ​ໂຮງຮຽນ​ເຕັກນິກ - ​ວິຊາ​ຊີບ, ສູນ​ການ​ສຶກສານ​ອກ​ໂຮງຮຽນ ພ້ອມ​ດ້ວຍ​ວິ​ຊາ​ການ ​ເຂົ້າ​ຮ່ວມ​ຢ່າງ​ພ້ອມພຽງ.

            ​    ໃນ​ພິທີ ທ່ານ ສຸນີ ນາມມະບົວລີ ຮອງຫົວໜ້າພະແນກສຶກສາທິການ ແລະ ກິລາແຂວງ ໃຫ້ກຽດ​ຂຶ້ນ​ຜ່ານ​ບົດ​ສະຫຼຸບ​ການຈັດ​ຕັ້ງ​ປະຕິບັດ​ແຜນການ​ພັດທະນາ​ການ​ສຶກສາ​ພາກຮຽນທີ 1 ​ແລະ ທິດ​ທາງ​ແຜນການ​ພາກຮຽນ​ທີ 2 ສົກຮຽນ 2018 – 2019 ​ເຊິ່ງທ່ານ​ໄດ້​ຍົກ​ໃຫ້​ເຫັນ​ເຖິງ​ຜົນສຳ​ເລັດ​ໃນ​ຫຼາຍໆ​ດ້ານ​ຂອງ​ວຽກ​ງານ​ການ​ສຶກສາ​ທີ່​ສາມາດ​ຈັດ​ຕັ້ງ​ປະຕິບັດ​ໄດ້ ມີ​ບາງ​ຕອນ​ທ່ານ​ໄດ້​ກ່າວ​ວ່າ: ຕ່າງ​ໜ່າງການ​ສຶກສາ​ຂອງ​ແຂວງ​ສາລະ​ວັນ​ແມ່ນ​ມີ​ການ​ຂະຫຍາຍຕົວ​ປົກ​ຄຸ້ມ​ບໍລິການ​ເຂດ​ຊົນນະບົດ​ຫ່າງ​ໄກ​ສອກຫຼີກ, ມາ​ຮອດ​ປະຈຸ​ບັດ​ທ່າ​ແຮງ​ຂອງ​ແຂວງ​ປະກອບ​ມີ​ຫ້ອງການ​ສຶກສາ​ທິການ ​ແລະ ກິລາ​ເມືອງ 8 ​ເມືອງ, ​ໂຮງຮຽນ​ມັດທະຍົມ​ຕອນຕົ້ນ ​ແລະ ຕອນ​ປາຍ 94 ​ແຫ່ງ, ​ໂຮງຮຽນ​ປະຖົມ 605 ​ແຫ່ງ, ​ໂຮງຮຽນ​ອະນຸບານ 84 ​​ແຫ່ງ, ​ມີ​ບຸກຄະລາ​ກອນ​ສຶກສາ​ທົ່ວ​ແຂວງ​ຈຳນວນ 3,986 ຄົນ, ຍິງ 1,957 ຄົນ, ​ໃນ​ນັ້ນ​ພະນັກງານ​ບໍລິຫານ 340 ຄົນ, ຍິງ 129 ຄົນ, ລັດຖະກອນຄູ 3,531 ຄົນ, ຍິງ 1,854 ຄົນ, ຕະຫຼອດ​ໄລຍະ​ການຈັດ​ຕັ້ງ​ປະຕິບັດ​ແຜນ​ພັດທະນາ​ການ​ສຶກສາ​ໃນ​ພາກຮຽນ​ທີ 1 ຜ່ານ ​ເຫັນ​ວ່າ​ຜູ້​ບໍລິຫານ​ການ​ສຶກສາ​ແຕ່ລະ​ຂັ້ນ​ໄດ້​ເອົາ​ໃຈ​ໃສ່​ຈັດ​ຕັ້ງ​ປະຕິບັດ​ໄປ​ຕາມ​ຂະ​ແໜງ​ການ​ຍ່ອຍ​ເປັນ​ຕົ້ນ ວຽກ​ງານ​ລ້ຽງ​ເດັກ - ອະນຸບານ: ອັດຕາ​ເຂົ້າ​ຮຽນ​ຂອງ​ເດັກ​ອາຍຸ 0-2 ປີ ບັນລຸ​ໄດ້ 1,26%, ອັດຕາ​ເຂົ້າ​ຮຽນ​ຂອງ​ເດັກ​ອາຍຸ 3-5 ປີ ບັນລຸ​ໄດ້ 44,45%, ອັດຕາ​ເຂົ້າ​ຮຽນ​ຂອງ​ເດັກອາຍຸ 5 ປີ ບັນລຸ​ໄດ້ 70,14%, ວຽກງານ​ປະຖົມ​ສຶກສາ: ອັດຕາເຂົ້າຮຽນສຸດທິ 6 ປີ ບັນລຸໄດ້ 98,81%, ອັດຕາເຂົ້າຮຽນສຸດທິຊັ້ນປະຖົມປະຕິບັດໄດ້98,96%, ອັດຕາຄ້າງຫ້ອງຊັ້ນປະຖົມ 5,60%, ອັດຕາປະລະຊັ້ນປະຖົມ 6,13%,​ ອັດຕາເລື່ອນຂັ້ຂ-ຈົບຊັ້ນປະຖົມປະຕິບັດໄດ້ 88,27%,​ ຜົນການສອບເສັງພາກຮຽນທີ 1 ເຊິ່ງມີນັກສອບທັງໜົດ 50.986 ຄົນ ຍິງ 24.595​ ຄົນ. ສອບໄດ້ 48,515 ຄົນ ຍິງ 23,572 ຄົນ ເທົ່າກັບ 95,15%.ວຽກງານມັດທະຍົມ : ອັດຕາເຂົ້າຮຽນລວມມັດທະຍົມຕອນຕົ້ນ ປະຕິບັດໄດ້ 68,41%, ອັດຕາຄ້າງຫ້ອງມັດທະຍົມຕົ້ນ 0,7%, ອັດຕາເລື່ອນຂັ້ນ-ຈົບຊັ້ນ ມັດທະຍົມຕົ້ນ 85,33%, ອັດຕາປະລະ 13,97%, ຜົນການສອບເສັງ ມ1-ມ4 ມີທັງໜົດ 20.080 ຄົນ, ຍິງ 9,725 ຄົນ ສອບໄດ້ 19,602 ຄົນ, ຍິງ9,619 ຄົນ ເທົ່າກັບ 97,62%, ສຳລັບມັດທະຍົມຕອນປາຍ ອັດຕາເຂົ້າຮຽນລວມມັດທະຍົມປາຍ 38,63%, ອັດຕາຄ້າງຫ້ອງ 0,4%, ອັດຕາເລື່ອນຂັ້ນ-ຈົບຊັ້ນ ປະຕິບັດໄດ້ 91,09%, ອັດຕາປະລະ 8,51%, ຜົນການສອບເສັງ ມ5 - ມ7 ມີທັງໜົດ 8,571 ຄົນ, ຍິງ 4,051 ຄົນ, ສອບໄດ້ 8,444 ຄົນ, ຍິງ 4,020 ຄົນ ເທົ່າກັບ 98,52%.ວຽກ​ງານ​ການ​ສຶກສານ​ອກ​ໂຮງຮຽນ: ​ສຳ​ເລັດ​ປະກາດ​ເມືອງ​ຈົບ​ມັດທະຍົມ​ຕອນ​ຕົ້ນ​ປະຊາຊົນ 8 ​ເມືອງທົ່ວແຂວງ, ຝຶກອົບຮົມວິຊາຊີບຄຽງຄູ່ກັບວຽກງານບໍາລຸງຍົກລະດັບການສຶກສາຊັ້ນປະຖົມ ແລະ ມັດທະຍົມວຽກງານຝຶກອົບຮົມວິຊາຊີບຂັ້ນພື້ນຖານ ແມ່ນໄດ້ປະກອບສ່ວນເຂົ້າໃນການລຶບລ້າງຄວາມທຸກຍາກໃຫເແກ່ປະຊາຊົນ.ວຽກງານອາຊີວະສຶກສາ ແລະ ອົບຮົມວິຊາຊີບ ມີສະຖານທີ່ການສຶກສາພາກລັດ ແລະ ເອກະຊົນ 2 ແຫ່ງ ພາກລັດ ມີນັກຮຽນທັງໜົດ 668ຄົນ ຍິງ 146 ຄົນ, ມີຄູອາຈານ 49ຄົນ ຍິງ 11 ຄົນດ ມີລະບົບການຮຽນ 9+3, 12+2, 12+1,5 ມີ 3 ຂະ​ແໜງ​ການ​ຄື​ເ ກະສິກຳ, ອຸດ​ສະຫະ​ກຳ, ບໍລິການ ມີ 8 ສາຂາວິຊາ ​ແລະ ພາກ​ເອກະ​ຊົນ ມີ​ນັກຣຍນທັງ​ໜົດ 185 ຄົນ, ຍິງ 84 ຄົນ, ມີ​ຄູ 14 ຄົນ ຍິງ 5 ຄົນ ມີ 2 ສາຂາ​ວິຊາ​ຮຽນ​ຄື: ບໍລິຫານ​ທຸ​ລະ​ກິດ ​ແລະ ຄອມ​ພິວ​ເຕ,ຈັດ​ສົ່ງ​ພະນັກງານ ​ແລະ ນັກຮຽນ​ໄປສຶກສາ​ຕໍ່​ທີ່ ສສຫວຍ​ດນາມ ດ້ວຍ​ທຶນ​ຮ່ວມ​ມື ​ແລະ ທຶນ​ສ່ວນ​ຕົວ ຈຳນວນ 118 ຄົນ, ຍິງ 72 ຄົນ ​ມີ​ວິທະຍາ​ໄລ​ຄູ​ສາລະ​ວັນ​​ 1 ​ແຫ່ງ ມີ​ລະບົບ​ຮຽນ ຊັ້ນ​ກາງ, ຊັ້ນ​ສູງ ​ແລະ ປະລິນຍາ​ຕີ, ​ໃນ​ສາຍ​ຄູອະນຸບານ ,​ປະຖົມ, ​ແລະ ມັດທະຍົມຕົ້ນ -ປາຍ ​ໃນ​ພາກ​ປົກກະຕິ ​ແລະ ​ຕໍ່​ເນື່ອງ ມີ 3 ຫຼັກສູດ​ຄື: ຫຼັກສູດ​ຄູ​ອະນຸບານ​ມີ​ລະບົບ 12​ + 2 ​ແລະ 12 + 4, ຫຼັກສູດ​ຄູ​ປະຖົມ ມີ​​ລະບົບ 9 + 3 ​ແລະ 12 + 4​ ​ແລະ ຄູ​ມັດທະຍົມ​ມີ​ລະບົບ 12 + 4 ( ພາສາ​ລາວ, ອັງ​ກິດ, ​ເຄມີ​ສາດ-ຟິຊິກ​ສາດ, ພູມ​ສາດ ​ແລະ ປະຫວັດສາດ​) ວຽກງານ​ບໍລິຫານ ​ແລະ ການ​ຄຸ້ມ​ຄອງ: ​ໂດຍ​ສະ​ເພາະ​ແມ່ນ​ວຽກງານຈັດຕັ້ງ- ພະນັກງານແມ່ນໄດ້ປະຕິບັດນະໂຍບາຍ, ການຍົກຍ້າຍພະນັກງານ, ບໍາເນັດບໍານານ, ການເລື່ອນຊັ້ນ-ຂັ້ນ, ວຽກງານຍົກລະດັບພະນັກງານ, ວຽກງານຍ້ອງຍໍສັນລະເສີນ ແລະ ວຽກບັນຈຸ ແລະ ສັບຊ້ອນພະນັກງານ ແມ່ນໄດ້ປະຕິບັດຢ່າງເປັນເຈົ້າການ ແລະ ຕັ້ງໜ້າ. ວຽກງານສະຖິຕິແຜນການ ແມ່ນໄດ້ຈັດສົ່ງແບບຟອມເກັບກຳຂໍ້ມູນການສຶກສາ, ຕິດຕາມກວດກາການປ້ອນຂໍ້ມູນຂອງເມືອງ, ການປະສານງານໂຄງການ ແລະ ຮ່ວມມືສາກົນ ແມ່ນໄດ້ຮ່ວມມືຈັດຕັ້ງປະຕິບັດໂຄງການຂອງບັນດາອົງການຈັດຕັ້ງສາກົນຕ່າງໆທີ່ສັງກັດລັດຖະບານ ແລະ ບໍ່ສັງກັດລັດຖະບານ, ເພີ່ມທະວີຄວາມສາມັກມິດຕະພາບແບບພິເສດລະຫວ່າງແຂວງສາລະວັນ ກັບບັນດາແຂວງພາກກາງ ສສ ຫວຽດນາມ, ວຽກງານໄອຊີທີ ແມ່ນໄດ້ໃຫ້ການບໍລິການແປງຄອມພິວເຕີ, ບໍລິການໃຫ້ເຊົ່າຫ້ອງປະຊຸມ ແລະ ດຳເນີນການຮຽນ - ການສອນແບບເອເລັກໂຕຼນິກຕາມໂຄງການຫຼັກສູດ, ເອົາໃຈໃສ່ຄົ້ນຄວ້າ, ອອກແບບ, ພັດທະນາ ບໍລິຫານຄຸ້ມຄອງຂ່າວສານ ແລະ ເວບໄຊສ໌ຂອງພະແນກເພື່ອໂຄສະນາຂ່າວສານການເຄື່ອໄຫວວຽກງານສຶກສາທົ່ວແຂວງ, ວຽກງານກວດກາແລະ ປະເມີນຜົນ ແມ່ນລົງຊຸກຍູ້ຕິດຕາມການຈັດຕັ້ງປະຕິບັດນິຕິກຳຕ່າງໆຂອງກະຊວງ, ແຂວງ ແລະ ເມືອງວາງອອກ ແລະ ຕິດຕາມປະກົດການຫຍໍ້ທໍ້ຕ່າງໆທີ່ເກີດຂຶ້ນໃນຂະແໜງການສຶກສາ ແລະ ກິລາ, ກວດກາໃບປະກາສະນິຍະຂອງພະນັກງານ - ລັດຖະກອນສາຍສຶກສາ. ວຽກງານພັດທະນາຄູ ແມ່ນໄດ້ຝຶກອົບຮົມຄູສອນຫ້ອງຄວບ, ຕິດຕາມຊຸກຍູ້ການທົດລອງຫຼັກສູດຊັ້ນປະຖົມປີທີ 2 ຢູ່ 7 ໂຮງຮຽນ ເປົ້າໜາຍຂອງເມືອງສາລະວັນ, ຝຶກອົບຮົມຄູໃໝ່ກ່ອນໄປປະຈຳການ 5 ເມືອງເປົ້າໜາຍບີຄວາ, ຝຶກອົບຮົມແນະນຳປຶ້ມແບບຮຽນ ແລະ ຄູ່ມືຄູວິຊາຄະນິດສາດ ຊັ້ນປະຖົມສຶກສາປີທີ 1 ທົ່ວແຂວງ, ວຽກງານບໍລິຫານ ແມ່ນໄດ້ເອົາໃຈໃສ່ຄົ້ນຄວ້າສັງລວມ ບັນດາເອກະສານຕ່າງໆ, ວຽກງານສາລະບັນຂາເຂົ້າ-ຂາອອກ ແລະ ຂໍ້ມູນຂ່າວສານ ໄດ້ຮັບແລະ ບັນທຶກເອກະສານ ເກັບພາບ-ຂ່າວ ລາຍງານຂ່າວທາງໜັງສືພິມສາລະວັນ, ໜັງສືພິມສຶກສາ-ກິລາ ແລະ ຈັດລາຍການວິທະຍຸລາຍການ ສົ່ງເສີມການສຶກສາ-ກິລາ, ພ້ອມທັງວຽກງານກໍ່ສ້າງ​ພື້ນຖານ, ຄຸ້ມ​ຄອງ​ຊັບ​ສິນ ​ແລະ ອຸປະກອນ​ການ​ຮຽນ - ການ​ສອນ, ວຽກງານກິລາກາຍະກຳ ເປັນຕົ້ນແມ່ນພະລະ-ສິລະປະ, ກິລາມວນຊົນ ແລະ ກິລາລະດັບສູງ ແມ່ນເປັນໃຈກາງໃນການສ້າງຂະບວນການແຂ່ງຂັນກິລາ-ສິລະປະແລະ ການສ້າງຂະບວນການຕ່າງໆ ທັງໄດ້ຝຶກຊ້ອມນັກກິລາແຕ່ລະປະເພດເພື່ອກຽມພ້ອມໃນການແຂ່ງຂັນ ແລະ ສ້າງຕົວນັກກິລາທີ່ມີພອນສະຫວັນ.            ສຳລັບ​ທິດ​ທາງ​ແຜນການ​ສຶກສາ​ປະຈຳ​ພາກຮຽນ​ທີ 2 ສົກຮຽນ 2018 – 2019 ຕ້ອງ​ໄດ້​ເອົາ​ໃຈ​ໃສ່​ພັດທະນາເປັນຕົ້ນແມ່ນ ເພີ່ມ​ທະວີ​ການ​ສຶກສາ​ອົບຮົມ​ທາງ​ດ້ານ​ການ​ເມືອງ​ແນວ​ຄິດ​ໃນ​ຖັນ​ແຖວ​ພະນັກງານ ຄູ​ອາຈານ ຕະຫຼອດ​ຮອດ​ນັກຮຽນ - ນັກ​ສຶກສາ, ​ໃຫ້​ເຊື່ອມ​ຊຶມ​ກຳ​​ແໜ້ນ​ແນວທາງ​ນະ​ໂຍບາຍ​ຂອງ​ພັກ, ຍົກ​ສູງ​ສະຕິ​ເຄົາລົບ​ລະບຽບ​ລັດຖະກອນ,ລະບຽບ​ໂຮງຮຽນ ​ແລະ ກົດ​ໜາຍ​ຂອງ​ບ້ານ​ເມືອງ. ຊຸກຍູ້​ສົ່ງ​ເສີມ​ວິຊາ​ການ​ຄູ​ - ອາຈານ​ປະຕິບັດ​ໜ້າ​ທີ່ຢ່າງ​ຫ້າວຫັນດ້ວຍ​ຄວາມ​ຮັບຜິດຊອບ​ສູງຕໍ່ໜ້າ​ທີ່​ວຽກ​ງານ​ທີ່​ຖືກ​ມອບ​ໜາຍ, ຕັ້ງໜ້າ​ປະຕິ​ບັດ​ແຜນການ​ປະຈຳ​ເດືອນ, ປະຈຳ​ພາກຮຽນ​ໃຫ້​ມີ​ຜົນສຳ​ເລັດ​ສູງ, ພັດທະນາ​ການ​ຮຽນ - ການ​ສອນ ​ໃຫ້​ໄປ​ຕາມ​ຫຼັກສູດ​ໂຄງການ ​ແລະ ຮັດກຸມ​ຕາມ 5 ຫຼັກ​ມູນ​ຄື: ຄຸນສົມບັດ​ສຶກສາ, ປັນຍາ​ສຶກສາ, ສິລະ​ປະ​ສຶກສາ, ພະລະສຶກສາ ​ແລະ ​ແຮງ​ງານ​ສຶກສາ.

     ຈາກ​ນັ້ນບັນດາ​ແຂກ​ຜູ້​ແທນ​ກອງປະຊຸມ​ກໍ່​ໄດ້​ຮັບການ​ລາຍ​ງານ​ສະພາບ​ວຽກ​ງານ​ການ​ສຶກສາ​ໃນ​ແຕ່ລະ​ເມືອງ, ​ແຕ່ລະ​ໂຮງຮຽນ ​ເພື່ອ​ພ້ອມ​ກັນ​ແລກປ່ຽນ​ບົດຮຽນ​ເຊິ່ງກັນ ​ແລະ​ ກັນ​ເພື່ອປັບປຸງວຽກງານການສຶກສາໃຫ້ມີຄວາມເຂັ້ມແຂງ ແລະ ມີຄຸນະພາບສູງຂຶ້ນເລື້ອຍໆ.

ຂ່າວໂດຍ: ແຫຼ່ງຄຳ ບຸດນາໂຄກ

ອັບໂຫຼດໂດຍ: ໂອເລ້ ສິງຂາວເພັດ