313497
ມື້ນີ້
ມື້ວານນີ້
ອາ​ທິດ​ນີ້
ອາ​ທິດ​ທີ່​ແລ້ວ
ເດືອນ​ນີ້
ເດືອນທີ່ຜ່ານມາ
ວັນທັງຫມົດ
89
175
2063
309153
7362
8085
313497
Your IP: 34.228.55.57
2019-03-23 10:41

yyyy3

ສກຂ ສາລະວັນ ສະຫຼຸບກອງທຶນສະຫວັດດີການຄູແຫ່ງຊາດ

ຂັ້ນແຂວງ ປະຈຳສົກປີ 2018

          ໃນຕອນເຊົ້າວັນທີ 20 ກຸມພາ 2019 ທີ່ຫ້ອງປະຊຸມພະແນກສຶກສາທິການ ແລະ ກິລາ ໄດ້ຈັດກອງປະຊຸມຫຼຸບກອງທຶນສະຫວັດດີການຄູແຫ່ງຊາດຂັ້ນແຂວງ ປະຈຳສົກປີ 2018 ໂດຍພາຍໃຕ້ການເປັນປະທານຂອງທ່ານ ສີລິສັກ ຖະໜອມຮັກ ຫົວໜ້າພະແນກສຶກສາທິການ ແລະ ກິລາແຂວງ, ມີທ່ານຫົວໜ້າຂະແໜງ 12 ຂະແໜງ, ທ່ານຫົວໜ້າຫ້ອງການສຶກສາທິການ ແລະ ກິລາເມືອງ, ໜ່ວຍງານຈັດຕັ້ງ ພະນັກງານ, ໜ່ວຍງານການເງິນ ຈາກ 8 ເມືອງເຂົ້າຮ່ວມ.

            ໃນພິທີ ທ່ານ ນາງ ບຸນທະວີ ແກ້ວມະນີວັນ ຫົວໜ້າຂະແໜງຈັດຕັ້ງ ແລະ ພະນັກງານໄດ້ໃຫ້ກຽດຂຶ້ນຜ່ານບົດສະຫຼຸບວຽກງານການເຄື່ອນໄຫວກອງທຶນສະຫວັດດີການຄູ ປະຈຳປີ 2018 ແລະ ທິດທາງແຜນການປະຈຳປີ 2019 ເຊິ່ງທ່ານໄດ້ຍົກໃຫ້ເຫັນບາງດ້ານເປັນຕົ້ນແມ່ນ ການຈັດການບໍລິຫານຄຸ້ມຄອງ ແລະ ນຳໃຊ້ເງິນກອງທຶນສະຫວັດດີການຕາມຈຸດປະສົງ ແລະ ເປົ້າໜາຍຂອງກອງທຶນ, ຊຸກຍູ້ສົ່ງເສີມຄວາມສາມັກຄີໃນຖັນແຖວຂະແໜງການສຶກສາ ແລະ ກິລາ ດ້ວຍຮູບການສົງເຄາະ, ຊ່ວຍເຫຼືອເຊິ່ງກັນ ແລະ ກັນ ໃນເວລາເຈັບປ່ວຍ ເສຍຊີວິດ ແລະ ເສີມກຳລັງໃຈໃຫ້ແກ່ລັດຖະກອນ ໃຫ້ມີຄວາມອຸ່ນອຽງທຸນທ່ຽງ ແລະ ມີຄວາມໜັ້ນຄົງຕໍ່ວິຊາຊີບ ພະແນກສຶກສາທິການ ແລະ ກິລາ ແຂວງ ສາລະວັນໄດ້ເຄື່ອນໄຫວ ແລະ ສ້າງຕັ້ງຂຶ້ນໃນປີ 2002, ມີຈຳນວນສະມາຊິກກອງທຶນທັງໜົດ 4,280 ຄົນ ຍິງ 2,099 ຄົນ, ພະນັກງານບໍລິຫານ 415 ຄົນ ຍິງ 154 ຄົນ, ລັດຖະກອນຄູ 3,542 ຄົນ ຍິງ 1,841 ຄົນ ພະນັກງານບໍຳນານ ມີ 265 ຄົນ ຍິງ 91 ຄົນ, ແລະ ຍົກຍ້າຍໄປຂະແໜງການອື່ນມີ 58 ຄົນ ຍິງ 17 ຄົນ. ສຳລັບທິດທາງແຜນການໃນຕໍ່ໜ້າແມ່ນເພື່ອຄຸ້ມຄອງ ແລະ ບໍລິຫານກອງທຶນຄູແຫ່ງຊາດຖືກຕ້ອງຕາມລະບຽບຫຼັກການ, ສ້າງຄວາມສາມັກຄີພາຍໃນໃຫ້ໜັກແໜ້ນເຂັ້ມແຂງ, ສ້າງຂັວນກຳລັງໃຈໃຫ້ຄູ ແລະ ສະມາຊິກກອງທຶນສະຫວັດດີການຄູໃຫ້ມີຄວາມຖືກຕ້ອງ ແລະ ປະຕິບັດນະໂຍບາຍຕາມຂໍ້ກຳນົດກົດລະບຽບໃຫ້ເຂັ້ມງວດ ທັງນີ້ກໍ່ເພື່ອເຮັດໃຫ້ສະມາຊິກກອງທຶນຄູທຸກຄົນໄດ້ຮັບການຊ່ວຍເຫຼືອຢ່າງເຕັມເມັດເຕັມໜ່ວຍຫຼາຍຂຶ້ນກວ່າເກົ່າ.

 

ຂ່າວໂດຍ: ແຫຼງຄຳ ບຸດນາໂຄກ

ອັບໂຫຼດຂ່າວໂດຍ: ໂອເລ້ສິງຂາວເພັດ