331164
ມື້ນີ້
ມື້ວານນີ້
ອາ​ທິດ​ນີ້
ອາ​ທິດ​ທີ່​ແລ້ວ
ເດືອນ​ນີ້
ເດືອນທີ່ຜ່ານມາ
ວັນທັງຫມົດ
166
333
2067
326352
7785
7546
331164
Your IP: 54.234.227.202
2019-05-24 15:44

k2

ຄະນະໂຄສະນາອົບຮົມ ແຂວງສາລະວັນ ເປີດ​ຮຽນ​ກົດລະ​ບຽບພັກ​

​ໃຫ້​ແກ່​ມະຫາຊົນ​ຜູ້​ທີ່​ມີ​ຄວາມ​ກ້າວໜ້າ​ເພື່ອ​ຂະຫຍາຍ​ເຂົ້າ​ພັກ

​ໃນ​ຕອນ​ເຊົ້າ​ວັນ​ທີ 18 ກຸມພາ 2019 ນີ້​ທີ່ຫ້ອງປະຊຸມໂຄສະນາອົບຮົມ​ແຂວງ ສາລະ​ວັນ​ໄດ້​ຈັດ​ພິທີ​ເປີດ​ຮຽນກົດ​ລະບຽບ​ພັກປະຊາຊົນປະຕິວັດລາວ ​ໃຫ້​ແກ່​ມະຫາຊົນ​ຜູ້​ທີ່​ມີ​ຄວາມ​ກ້າວໜ້າ​ເພື່ອ​ຂະຫຍາຍ​ເຂົ້າ​ພັກ​ປະຊາຊົນ​ປະຕິວັດ​ລາວ, ​ໂດຍ​ໃຫ້ກຽດບັນລະຍາຍເອກະສານຂອງ​ທ່ານ ສີເຮັ່ງ ຫອມສົມບັດ ຄະນະປະຈຳພັກແຂວງ ຫົວໜ້າຄະນະໂຄສະນາອົບຮົມແຂວງ, ມີຄະນະພັກ, ຄະນະໜ່ວຍພັກ ແລະ ມະຫາຊົນຜູ້ທີ່ມີຄວາມກ້າວໜ້າຈຳນວນ 10 ສະຫາຍ ຍິງ, 5 ສະຫາຍ ເຂົ້າຮ່ວມ.

ມະຫາຊົນຜູ້ທີ່ມີຄວາມກ້າວໜ້າໄດ້ຮຽນກົດລະບຽບພັກໃນຄັ້ງນີ້ແມ່ນມາຈາກ ຄະນະພັກຮາກຖານພະແນກສຶກສາທິການ ແລະ ກິລາແຂວງ, ຄະນະຈັດຕັ້ງແຂວງ ແລະ ຄະນະໂຄສະນາອົບຮົມແຂວງ, ເຫັນວ່າທຸກສະຫາຍແມ່ນເປັນຜູ້ທີ່ມີຄວາມບຸກໜ້າບືນຕົວ ເຂົ້າຮ່ວມທຸກຂະບວນການຂອງພັກ - ລັດຈັດຂຶ້ນ, ມີຄວາມສາມັກຄີ ແລະ ມີຄວາມເສຍສະຫຼະສູງ ຈິ່ງໄດ້ເຂົ້າຮ່ຳຮຽນກົດລະບຽບພັກ ເພື່ອຂະຫຍາຍເຂົ້າເປັນສຳມະຊິກພັກປະຊາຊົນປະຕິວັດລາວ,  ໂດຍໃນການຮ່ຳຮຽນກົດລະບຽບພັກໃນຄັ້ງນີ້ ແມ່ນໄດ້​ຮຽນ​ຮູ້​ກ່ຽວ​ກັບ​ລະບຽບ​ຂອງ​ພັກ, ປະຊາຊົນ​ປະຕິວັດ​ລາວ ທີ່​ເວົ້າ​ເຖິງ​ມາດຖານ​ສະມາຊິກ​ພັກ​ປະຊາຊົນ​ປະຕິວັດ​ລາວ​ເຊິ່ງສະມາຊິກ​ພັກ ​ແມ່ນ​ນັກຮົບ​ປະຕິວັດ​ໃນ​ກອງ​ນຳ​ໜ້າ​ຂອງ​ຊົນ​ຊັ້ນ​ກຳມະກອນ ​ແລະ ຊາວ​ຜູ້​ອອກ​ແຮງ​ງານ​ລາວ, ສະມາ​ຊິກ​ພັກ​ແມ່ນ​ຜູ້​ທີ່​ບໍລິສຸດ, ສັດ​ຊື່ ​ແລະ ຈົງ​ຮັກ​ພັກດີ​ຕໍ່​ອຸດົມ​ການ​ຂອງ​ພັກ, ປົກ​ປັກ​ຮັກສາ​ຄວາມ​ສາມັກຄີ​ເປັນ​ເອກະ​ພາບ​ພາຍ​ໃນ​ພັກ, ​ເປັນ​ຜູ້​ຖື​ຜົນ​ປະ​ໂຫຍ​ດລວມຂອງ​ຊາດ, ຂອງ​ຊົນ​ຊັ້ນ​ກຳມະກອນ ​ແລະ ປະຊາຊົນ​ລາວ​ຜູ້​ອອກ​ແຮງ​ງານ​ສູງ​ກວ່າ​ຜົນ​ປະ​ໂຫຍ​ດສ່ວນ​ຕົວ, ​ແມ່ນ​ຜູ້​ທີ່​ເປັນ​ແບບຢ່າງ​ໃນ​ການ​ປະຕິບັດ​ໂຄງການ​ການ​ເມືອງ, ມະຕິ, ຄຳ​ສັ່ງ, ກົດ​ລະບຽບ​ຂອງ​ພັກ, ລັດຖະທຳ​ມະນູນ ​ແລະ ກົດ​ໜາຍ​ລັດ​ຢ່າງ​ເຂັ້ມ​ງວດ, ​ແມ່ນ​ຜູ້​ທີ່​ຕັ້ງໜ້າ​ເຝິກຝົນ​ຫຼໍ່​ຫຼອມ​ຕົນ​ເອງ​ໃນ​ທຸກ​ດ້ານ, ບຸກ​ບືນ ຮ່ຳຮຽນ​ຍົກ​ລະດັບ​ຕົນ​ເອງ, ຫ້າວ​ຫັນ​ປະຕິບັດ​ໜ້າ​ທີ່​ວຽກ​ງານ​ທີ່​ໄດ້​ຮັບ​ມອບ​ໜາຍ. ຈາກ​ນັ້ນ​ຍັງ​ຮູ້​ເຖິງ ເງື່ອນ​ໄຂ​ຜູ້​ຈະ​ຂະຫຍາຍ​ເຂົ້າ​ເປັນ​ສະມາຊິກ​ພັກປະຊາຊົນ ​ປະຕິວັດ​ລາວຕ້ອງ​ແມ່ນ​ພົນລະ​ເມືອງ​ລາວ​ທີ່​ມີ​ອາຍຸ​ແຕ່ 18 ຫາ 55 ປີ ​ເຊິ່ງ​ໄດ້​ຜ່ານ​ການ​ເຝິກຝົນ, ຫຼໍ່​ຫຼອມ​ໃນ​ຂະ​ບວນການ​ປະຕິວັດ​ຂອງ​ມະຫາຊົນ​, ​ເປັນ​ຜູ້​ທີ່​ມີ​ຄວາມ​ຕື່ນ​ຕົວ​ທາງ​ດ້ານ​ການ​ເມືອງ​ຕາມ​ອຸດົມ​ຄະຕິ​ຂອງ​ພັກ, ມີ​ຊີວະ​ປະຫວັດ​ຈະ​ແຈ້ງ​ຂາວ​ສະອາດ, ມີ​ຄຸນສົມບັດ​ສິນ​ທຳ​ປະຕິ​ວັດ​, ​ເປັນ​ຜູ້​ຕື່ນ​ຕົວ​ສະ​ໜັກ​ໃຈ​ເຂົ້າ​ພັກ.

            ນອກຈາກນີ້, ມະຫາຊົນ​ກ້າວໜ້າ​ຍັງ​ໄດ້ຮັບ​ຮູ້​ຕື່ມ​ກ່ຽວ​ກັບ ວັດຖຸ​ປະສົງ​ຂອງ​ພັກ​ແມ່ນ ນຳພາ​ປວງ​ຊົນ​ລາວ​ທັງ​ຊາດ​ປະຕິບັດ​ສອງ​ໜ້າ​ທີ່​ຍຸດ​ທະ​ສາດ​ຄື: ປົກ​ປັກ​ຮັກສາ​ປະ​ເທດ​ຊາດ ​ແລະ ໜາ​ກຜົນ​ຂອງ​ການ​ປະຕິວັດ​ໄວ້​ໃຫ້​ໜັ້ນຄົງ, ສ້າງສາ​ພັດທະນາ​ປະ​ເທດ​ຊາດຕາມ​ແນວທາງ​ປ່ຽນ​​ແປງ​ໃໝ່ຮອບດ້ານ​ທີ່​ມີ​ຫຼັກ​ການ​ຂອງ​ພັກ, ສືບ​ຕໍ່​ສ້າງ ​ແລະ ​ເສີມ​ຂະຫຍາຍ​ລະບອບ​ປະຊາທິປະ​ໄຕ​ປະຊາຊົນ​ຕາມ​ຈຸດ​ໜາຍ​ສັງຄົມ​ນິຍົມ​ເຮັດ​ໃຫ້​ປະຊາຊົນ​ຮັ່ງມີ​ຜາ​ສຸກ, ປະ​ເທດ​ຊາດ​ມັ່ງ​ຄັ່ງ​ເຂັ້ມ​ແຂງ, ສັງຄົມ​ສາມັກຄີ​ປອງ​ດອງ​ມີ​ປະຊາທິປະ​ໄຕ, ຍຸຕິ​ທຳ ​ແລະ ສີວິ​ໄລ.

 

ຂ່າວໂດຍ: ແຫຼງຄຳ ບຸດນາໂຄກ

  ອັບໂຫຼດຂ່າວໂດຍ: ໂອເລ້ ສິງຂາວເພັດ       

 

ຄະນະໂຄສະນາອົບຮົມ ແຂວງສາລະວັນ ເປີດ​ຮຽນ​ກົດລະ​ບຽບພັກ​

​ໃຫ້​ແກ່​ມະຫາຊົນ​ຜູ້​ທີ່​ມີ​ຄວາມ​ກ້າວໜ້າ​ເພື່ອ​ຂະຫຍາຍ​ເຂົ້າ​ພັກ

​ໃນ​ຕອນ​ເຊົ້າ​ວັນ​ທີ 18 ກຸມພາ 2019 ນີ້​ທີ່ຫ້ອງປະຊຸມໂຄສະນາອົບຮົມ​ແຂວງ ສາລະ​ວັນ​ໄດ້​ຈັດ​ພິທີ​ເປີດ​ຮຽນກົດ​ລະບຽບ​ພັກປະຊາຊົນປະຕິວັດລາວ ​ໃຫ້​ແກ່​ມະຫາຊົນ​ຜູ້​ທີ່​ມີ​ຄວາມ​ກ້າວໜ້າ​ເພື່ອ​ຂະຫຍາຍ​ເຂົ້າ​ພັກ​ປະຊາຊົນ​ປະຕິວັດ​ລາວ, ​ໂດຍ​ໃຫ້ກຽດບັນລະຍາຍເອກະສານຂອງ​ທ່ານ ສີເຮັ່ງ ຫອມສົມບັດ ຄະນະປະຈຳພັກແຂວງ ຫົວໜ້າຄະນະໂຄສະນາອົບຮົມແຂວງ, ມີຄະນະພັກ, ຄະນະໜ່ວຍພັກ ແລະ ມະຫາຊົນຜູ້ທີ່ມີຄວາມກ້າວໜ້າຈຳນວນ 10 ສະຫາຍ ຍິງ, 5 ສະຫາຍ ເຂົ້າຮ່ວມ.

ມະຫາຊົນຜູ້ທີ່ມີຄວາມກ້າວໜ້າໄດ້ຮຽນກົດລະບຽບພັກໃນຄັ້ງນີ້ແມ່ນມາຈາກ ຄະນະພັກຮາກຖານພະແນກສຶກສາທິການ ແລະ ກິລາແຂວງ, ຄະນະຈັດຕັ້ງແຂວງ ແລະ ຄະນະໂຄສະນາອົບຮົມແຂວງ, ເຫັນວ່າທຸກສະຫາຍແມ່ນເປັນຜູ້ທີ່ມີຄວາມບຸກໜ້າບືນຕົວ ເຂົ້າຮ່ວມທຸກຂະບວນການຂອງພັກ - ລັດຈັດຂຶ້ນ, ມີຄວາມສາມັກຄີ ແລະ ມີຄວາມເສຍສະຫຼະສູງ ຈິ່ງໄດ້ເຂົ້າຮ່ຳຮຽນກົດລະບຽບພັກ ເພື່ອຂະຫຍາຍເຂົ້າເປັນສຳມະຊິກພັກປະຊາຊົນປະຕິວັດລາວ,  ໂດຍໃນການຮ່ຳຮຽນກົດລະບຽບພັກໃນຄັ້ງນີ້ ແມ່ນໄດ້​ຮຽນ​ຮູ້​ກ່ຽວ​ກັບ​ລະບຽບ​ຂອງ​ພັກ, ປະຊາຊົນ​ປະຕິວັດ​ລາວ ທີ່​ເວົ້າ​ເຖິງ​ມາດຖານ​ສະມາຊິກ​ພັກ​ປະຊາຊົນ​ປະຕິວັດ​ລາວ​ເຊິ່ງສະມາຊິກ​ພັກ ​ແມ່ນ​ນັກຮົບ​ປະຕິວັດ​ໃນ​ກອງ​ນຳ​ໜ້າ​ຂອງ​ຊົນ​ຊັ້ນ​ກຳມະກອນ ​ແລະ ຊາວ​ຜູ້​ອອກ​ແຮງ​ງານ​ລາວ, ສະມາ​ຊິກ​ພັກ​ແມ່ນ​ຜູ້​ທີ່​ບໍລິສຸດ, ສັດ​ຊື່ ​ແລະ ຈົງ​ຮັກ​ພັກດີ​ຕໍ່​ອຸດົມ​ການ​ຂອງ​ພັກ, ປົກ​ປັກ​ຮັກສາ​ຄວາມ​ສາມັກຄີ​ເປັນ​ເອກະ​ພາບ​ພາຍ​ໃນ​ພັກ, ​ເປັນ​ຜູ້​ຖື​ຜົນ​ປະ​ໂຫຍ​ດລວມຂອງ​ຊາດ, ຂອງ​ຊົນ​ຊັ້ນ​ກຳມະກອນ ​ແລະ ປະຊາຊົນ​ລາວ​ຜູ້​ອອກ​ແຮງ​ງານ​ສູງ​ກວ່າ​ຜົນ​ປະ​ໂຫຍ​ດສ່ວນ​ຕົວ, ​ແມ່ນ​ຜູ້​ທີ່​ເປັນ​ແບບຢ່າງ​ໃນ​ການ​ປະຕິບັດ​ໂຄງການ​ການ​ເມືອງ, ມະຕິ, ຄຳ​ສັ່ງ, ກົດ​ລະບຽບ​ຂອງ​ພັກ, ລັດຖະທຳ​ມະນູນ ​ແລະ ກົດ​ໜາຍ​ລັດ​ຢ່າງ​ເຂັ້ມ​ງວດ, ​ແມ່ນ​ຜູ້​ທີ່​ຕັ້ງໜ້າ​ເຝິກຝົນ​ຫຼໍ່​ຫຼອມ​ຕົນ​ເອງ​ໃນ​ທຸກ​ດ້ານ, ບຸກ​ບືນ ຮ່ຳຮຽນ​ຍົກ​ລະດັບ​ຕົນ​ເອງ, ຫ້າວ​ຫັນ​ປະຕິບັດ​ໜ້າ​ທີ່​ວຽກ​ງານ​ທີ່​ໄດ້​ຮັບ​ມອບ​ໜາຍ. ຈາກ​ນັ້ນ​ຍັງ​ຮູ້​ເຖິງ ເງື່ອນ​ໄຂ​ຜູ້​ຈະ​ຂະຫຍາຍ​ເຂົ້າ​ເປັນ​ສະມາຊິກ​ພັກປະຊາຊົນ ​ປະຕິວັດ​ລາວຕ້ອງ​ແມ່ນ​ພົນລະ​ເມືອງ​ລາວ​ທີ່​ມີ​ອາຍຸ​ແຕ່ 18 ຫາ 55 ປີ ​ເຊິ່ງ​ໄດ້​ຜ່ານ​ການ​ເຝິກຝົນ, ຫຼໍ່​ຫຼອມ​ໃນ​ຂະ​ບວນການ​ປະຕິວັດ​ຂອງ​ມະຫາຊົນ​, ​ເປັນ​ຜູ້​ທີ່​ມີ​ຄວາມ​ຕື່ນ​ຕົວ​ທາງ​ດ້ານ​ການ​ເມືອງ​ຕາມ​ອຸດົມ​ຄະຕິ​ຂອງ​ພັກ, ມີ​ຊີວະ​ປະຫວັດ​ຈະ​ແຈ້ງ​ຂາວ​ສະອາດ, ມີ​ຄຸນສົມບັດ​ສິນ​ທຳ​ປະຕິ​ວັດ​, ​ເປັນ​ຜູ້​ຕື່ນ​ຕົວ​ສະ​ໜັກ​ໃຈ​ເຂົ້າ​ພັກ.

            ນອກຈາກນີ້, ມະຫາຊົນ​ກ້າວໜ້າ​ຍັງ​ໄດ້ຮັບ​ຮູ້​ຕື່ມ​ກ່ຽວ​ກັບ ວັດຖຸ​ປະສົງ​ຂອງ​ພັກ​ແມ່ນ ນຳພາ​ປວງ​ຊົນ​ລາວ​ທັງ​ຊາດ​ປະຕິບັດ​ສອງ​ໜ້າ​ທີ່​ຍຸດ​ທະ​ສາດ​ຄື: ປົກ​ປັກ​ຮັກສາ​ປະ​ເທດ​ຊາດ ​ແລະ ໜາ​ກຜົນ​ຂອງ​ການ​ປະຕິວັດ​ໄວ້​ໃຫ້​ໜັ້ນຄົງ, ສ້າງສາ​ພັດທະນາ​ປະ​ເທດ​ຊາດຕາມ​ແນວທາງ​ປ່ຽນ​​ແປງ​ໃໝ່ຮອບດ້ານ​ທີ່​ມີ​ຫຼັກ​ການ​ຂອງ​ພັກ, ສືບ​ຕໍ່​ສ້າງ ​ແລະ ​ເສີມ​ຂະຫຍາຍ​ລະບອບ​ປະຊາທິປະ​ໄຕ​ປະຊາຊົນ​ຕາມ​ຈຸດ​ໜາຍ​ສັງຄົມ​ນິຍົມ​ເຮັດ​ໃຫ້​ປະຊາຊົນ​ຮັ່ງມີ​ຜາ​ສຸກ, ປະ​ເທດ​ຊາດ​ມັ່ງ​ຄັ່ງ​ເຂັ້ມ​ແຂງ, ສັງຄົມ​ສາມັກຄີ​ປອງ​ດອງ​ມີ​ປະຊາທິປະ​ໄຕ, ຍຸຕິ​ທຳ ​ແລະ ສີວິ​ໄລ.