331135
ມື້ນີ້
ມື້ວານນີ້
ອາ​ທິດ​ນີ້
ອາ​ທິດ​ທີ່​ແລ້ວ
ເດືອນ​ນີ້
ເດືອນທີ່ຜ່ານມາ
ວັນທັງຫມົດ
137
333
2038
326352
7756
7546
331135
Your IP: 54.234.227.202
2019-05-24 15:08

       ffr

ສກຂ ສາລະວັນ

ຈັດສົ່ງພະນັກງານລົງຮາກຖານທີ່ເມືອງ ລະຄອນເພັງ

          ໃນຕອນເຊົ້າຂອງວັນທີ 4 ມີນາ 2019 ນີ້ທີ່ຫ້ອງປະຊຸມຫ້ອງການສຶກສາທິການ ແລະ ກິລາເມືອງ ລະຄອນເພັງ ໄດ້ຈັດພິທີມອບ - ຮັບ ພະນັກງານລົງກໍ່ສ້າງຮາກຖານຈາກກະຊວງ ແລະ ພະແນກສຶກສາທິການ ແລະ ກິລາ ເພື່ອລົງເຄື່ອນໄຫວວຽກງານຢູ່ຫ້ອງສຶກສາທິການ ແລະ ກິລາເມືອງ ລະຄອນເພັງ ໃນໄລຍະ 9 ເດືອນ ໂດຍໃຫ້ກຽດເຂົ້າຮ່ວມຂອງທ່ານ ນາງ ທອງໃບ ໄຊຍະສານ ຮອງພະແນກສຶກສາທິການ ແລະ ກິລາແຂວງ ສາລະວັນ, ທ່ານ ຄໍາເພັດ ແສງໃສສຸກ ຫົວໜ້າຫ້ອງການສຶກສາທິການ ແລະ ກິລາ ເມືອງ ລະຄອນເພັງ, ພ້ອມວິຊາການພາຍໃນຫ້ອງການເຂົ້າຮ່ວມຈຳນວນ 32 ທ່ານ, ຍິງ 14 ທ່ານ.

            ໃນກອງປະຊຸມດັ່ງກ່າວ , ທ່ານ ນາງ ທອງໃບ ໄຊຍະສານ ຮອງພະແນກສຶກສາທິການ ແລະ ກິລາ ແຂວງ, ກໍ່ໄດ້ໃຫ້ກຽດໂອ້ລົມຕໍ່ພະນັກງານທີ່ລົງຮາກຖານໃນຄັ້ງນີ້, ພ້ອມທັງໄດ້ຍົກໃຫ້ເຫັນເຖິງຄວາມສໍາຄັນຂອງວຽກງານການສຶກສາໂດຍເລັງໃສ່ການສຶກສາກ່ອນໄວຮຽນເນັ້ນໃຫ້ເດັກທຸກຄົນໄດ້ເຂົ້າຮຽນຖືກກັບເກນອາຍຸ ໂດຍສະເພາະແມ່ນເດັກໃນເກນອາຍຸ 3-5 ປີໃຫ້ໄດ້ເຂົ້າຮຽນຢ່າງທົ່ວເຖິງ.

          ໃນການຈັດການກອງປະຊຸມມອບຮັບພະນັກງານທີ່ມາຈາກກະຊວງ ແລະ ຈາກພະແນກຄັ້ງນີ້ກໍ່ເພື່ອເປັນການແນະນຳໃຫ້ສາມາຊິກທຸກຄົນໃນຫ້ອງການຮັບຮູ້ ແລະ ພ້ອມກັນຈັດຕັ້ງປະຕິບັດວຽກງານການສຶກສາໃຫ້ໄດ້ຮັບຜົນດີ ແລະ ທັງເປັນການສ້າງຄວາມສາມັກຄີພາຍໃນຫ້ອງໃນມີຄວາມແໜ້ນແຟ້ນຂຶ້ນຕື່ມ ຫຼັງຈາກນັ້ນໃນເວລາ 10 ໂມງ 45 ນາທີ ກອງປະຊຸມກໍ່ໄດ້ປິດລົງຢ່າງເປັນທາງການ.

 

ຂ່າວໂດຍ: ນ ໝຸດດາໄລ ແກ້ວອຸ່ນເຮືອນ ລາຍງານຈາກ ສກມ ລະຄອນເພັງ

ອັບໂຫຼດໂດຍ: ໂອເລ້ ສິງຂາວເພັດ