331118
ມື້ນີ້
ມື້ວານນີ້
ອາ​ທິດ​ນີ້
ອາ​ທິດ​ທີ່​ແລ້ວ
ເດືອນ​ນີ້
ເດືອນທີ່ຜ່ານມາ
ວັນທັງຫມົດ
120
333
2021
326352
7739
7546
331118
Your IP: 54.234.227.202
2019-05-24 15:04

DSC 0115 resized

ສກມ ສາລະວັນ ເປີດການຮຽນ - ການສອນສຶກສາວິຊາພື້ນຖານປ້ອງກັນຕົວ

ຊັ້ນມປາຍ ມ5-ມ7 2018-2019

            ໃນຕອນເຊົ້າຂອງວັນທີ 5 ມິນາ 2019 ທີ່ສະໂມສອນ ໂຮງຮຽນ ມສ ອົງແກ້ວ ຫ້ອງການສຶກສາທິການ ແລະ ກິລາເມືອງ ສາລະວັນ ( ສກມ ) ໄດ້ຈັດກອງປະຊຸມ ເປີດການຮຽນ - ການສອນ ສຶກສາວິຊາພື້ນຖານປ້ອງກັນຕົວໃຫ້ນັກຮຽນຊັ້ນມປາຍ ມ5 -ມ7 ທົ່ວເມືອງ ສາລະວັນປະຈໍາສົກຮຽນ 2018-2019 ໂດຍພາຍໄຕ້ການເປັນປະທານຂອງ ທ່ານ ບຸນມາກ ພອນທິບສະຫັວດ ຮອງເລຂາພັກເມືອງ ປະທານກວດການພັກ - ລັດເມືອງ ສາລະວັນ, ທ່ານ ໜູຄໍາ ສີສະຫັວດ ຫົວໜ້າຫ້ອງການ ສຶກສາທິການ ແລະ ກິລາເມືອງ ສາລະວັນ, ທ່ານ ພັຕ ສຸດໃຈ ແສນຄຳບົວທອນ ຮອງຫ້ອງການເສນາທິການ ທະຫານແຂວງ, ມີທ່ານ ຫົວໜ້າຫ້ອງການ ຮອງຫ້ອງການອ້ອມຂ້າງເມືອງ ແລະ 2 ກອງກໍາລັງ ປກສ, ປກຊ, ຜູ້ອຳນວຍການໂຮງຮຽນ ມັດທະຍົມ ທັງ 7 ແຫ່ງ, ຫົວໜ້າໜ່ວຍງານ, ຮອງໜ່ວຍງານ ແລະ ພະນັກງານວິຊາການ ໜ່ວຍງານພາລະ - ສີລະປະ ຂອງຫ້ອງການ ສກມ ສາລະວັນ ແລະ ນັກຮຽນຂອງໂຮງຮຽນ ມສ ອົງແກ້ວ ເຂົ້າຮ່ວມຢ່າງພ້ອມພຽງ.

            ຈາກນັ້ນ ທ່ານ ບຸນລ້ວນ ວົງສັກດາ ຮອງຫົວໜ້າຫ້ອງການສຶກສາທິການ ແລະ ກິລາ ເມືອງ ສາລະວັນ ກໍ່ໄດ້ຂື້ນຜ່ານບົດລາຍງານ ການກະກຽມຄວາມພ້ອມ ການຮຽນ - ການສອນສຶກສາວິຊາພື້ນຖານປ້ອງກັນຕົວ,​ ມີໂຮງຮຽນເປົ້າໝາຍເຂົ້າຮ່ວມທັງໝົດ 7 ແຫ່ງຄື: ມສ ສາລະວັນ, ມສ ອົງແກ້ວ, ມສ ເຊເສັດ, ມສ ນາຂ້ອຍສາວ, ມສ ໜອງໃສ, ມສ ຊົນເຜົ່າ, ມສ ດ່ານ, ມີຈຳນວນນັກຮຽນທັງໝົດ 2.651 ຄົນ, ຍິງ 1.305 ຄົນ ໃນນັ້ນມີນັກຮຽນຂັ້ນ ມ5 ຈຳນວນ 955 ຄົນ, ຍິງ 466 ຄົນ, ຂັ້ນມ6 ຈຳນວນ 888 ຄົນ, ຍິງ 439 ຄົນ, ຂັ້ນມ7 ຈໍານວນ 808 ຄົນ, ຍິງ 400 ຄົນ, ໂດຍນຳໃຊ້ຄູສອນທີ່ມາຈາກກອງບັນຊາການ ປກສ ແລະ ປກຊ, ມີຄູມາຈາກ ປກຊ ເມືອງ ທັງໝົດ 14 ສະຫາຍ, ຍິງ 0 ສະຫາຍ, ໂຮງຮຽນລະ 2 ສະຫາຍ, ຄູມາຈາກ ປກສ ເມືອງທັງໝົດ 5 ສະຫາຍ, ຍິງ 0 ສະຫາຍ ແລະ ຈະເລີ້ມສອນໃນວັນທີ 5/3/2019 ເປັນຕົ້ນໄປ. ມາຮອດຈຸດນີ້ຄວາມພ້ອມໃນການລົງສອນແມ່ນມີ 98% ທຸກດ້ານມີຄວາມພ້ອມໝົດ ໂດຍສະເພາະແມ່ນຄູສອນ, ນັກຮຽນ, ມີແຜນການສອນ, ບົດສອນ, ອຸປະກອນການສອນ ມ5-ມ7 ແມ່ນມີຜົນສໍາເລັດຕາມລະດັບຄາດໝາຍ.

ໃນການຮຽນ - ການສອນສຶກສາວິຊາພື້ນຖານປ້ອງກັນຕົວໃຫ້ນັກຮຽນ ແມ່ນຢາກໃຫ້ນັກຮຽນສຶກສາຮ່ຳຮຽນວິຊາສຶກສາພື້ນຖານປ້ອງກັນຕົວເພື່ອເປັນການຝຶກທັກສະ ແລະ ຄວາມຮູ້ພື້ນຖານໃນການປ້ອງກັນຕົວ ທັງໃຫ້ມີຄວາມຄ່ອງແຄ້ວໃນການຮຽນກໍ່ຄືການດຳລົງຊີວິດໃນປະຈຸບັນ ວິຊານີ້ເປັນວິຊາໜຶ່ງທີ່ສຳຄັນ ແລະ ໄດ້ຮັບຄວາມໄວ້ວາງໃຈຈາກ 3 ກະຊວງ ໂດຍສະເພາະ ແມ່ນກະຊວງ ສຶກສາທິການ ແລະ ກິລາ ກໍ່ໄດ້ໃຫ້ຄວາມສໍາຄັນ ໃນວຽກງານການຮຽນ - ການສອນສຶກສາວິຊາພື້ນຖານປ້ອງກັນຕົວ ໃຫ້ກັບນັກຮຽນສ້າງໃຫ້ນັກຮຽນ ມີສຸຂະພາບແຂງແຮງ ແລະ ຄວາມເຂັ້ມແຂງ, ຄວາມອົດທົນ ແລະ ມີຄວາມມຸ່ງຫວັງສູ່ຜົນສຳເລັດ.

ຂ່າວໂດຍ: ສຸພາລັກ ດອນຕະວັນ ສກມ ສາລະວັນ

ອັບໂຫຼດຂ່າວໂດຍ: ໂອເລ້ ສິງຂາວເພັດ