331147
ມື້ນີ້
ມື້ວານນີ້
ອາ​ທິດ​ນີ້
ອາ​ທິດ​ທີ່​ແລ້ວ
ເດືອນ​ນີ້
ເດືອນທີ່ຜ່ານມາ
ວັນທັງຫມົດ
149
333
2050
326352
7768
7546
331147
Your IP: 54.234.227.202
2019-05-24 15:16

detsouvanh

ສາລະວັນ ພ້ອມແລ້ວທີ່ຈະຊິງໄຊງານແຂ່ງຂັນກິລາເປຕັງ

ຊິງຂັນພະນະທ່ານປະທານສະພາແຫ່ງຊາດ ຄັ້ງທີ IX ທີ່ຮັບກຽດເປັນເຈົ້າພາບ

          ແຂວງ ສາລະວັນ ມີຄວາມພ້ອມຫຼາຍດ້ານໃນການເປັນເຈົ້າພາບຈັດການແຂ່ງຂັນກິລາເປຕັງທົ່ວປະເທດຄັ້ງທີ IX ຊິງຂັນພະນະທ່ານປະທານສະພາແຫ່ງຊາດ ໃນລະຫວ່າງວັນທີ 28 – 30 ມີນາ 2019 ນີ້, ໃນໂອກາດດຽວກັນນີ້ ທ່ານ ເດດສຸວັນ ມະໄລທອງ ປະທານສະຫະພັນກິລາເປຕັງແຂວງ ສາລະວັນ ໄດ້ຖະແຫຼງການຕໍ່ກັບສື່ມວນຊົນຂອງພວກເຮົາ ໃນວັນທີ 19 ມີນາ 2019 ກ່ຽວກັບການກະກຽມຈັດງານແຂ່ງຂັນກິລາເປຕັງຊິງຂັນປະທານສະພາແຫ່ງຊາດ ທົ່ວປະເທດ ຄັ້ງທີ IX ເຊິ່ງມີຄວາມພ້ອມແລ້ວເກືອບ 90% ໂດຍສະຖານທີ່ແຂ່ງຂັນແມ່ນຢູ່ເດີ່ນວິທະຍາໄລຄູສາລະວັນ.

            ການແຂ່ງຂັນກິລາເປຕັງຊິງຂັນພະນະທ່ານປະທານສະພາແຫ່ງຊາດ ທົ່ວປະເທດ ຄັ້ງທີ IX ແມ່ນງານກິລາລະດັບຊາດທີ່ປະກອບດ້ວຍການແຂ່ງຂັນລະຫວ່າງບັນດາແຂວງ, ນະຄອນຫຼວງ, ບັນດາກະຊວງ, ອົງການທຽບເທົ່າ ແລະ ບັນດາສະໂມສອນໃນທົ່ວປະເທດ ເຊິ່ງສະແດງອອກເຖິງອະລິຍະທຳມູນເຊື້ອອັນດີງາມຂອງປະຊາຊົນບັນດາເຜົ່າ ເປັນການສົ່ງເສີມ ແລະ ພັດທະນາວຽກງານກິລາແຫ່ງຊາດໃຫ້ນັບມື້ເຂັ້ມແຂງຮັບປະກັນຈຸດປະສົງ ແລະ ລະດັບຄາດໜາຍເປັນການສົ່ງເສີມການຂະຫຍາຍຕົວທາງດ້ານວຽກງານກິລາກາຍະກຳເຂົ້າສູ່ມວນຊົນບັນດາເຜົ່າໃຫ້ຫັນມາຫຼິ້ນກິລາຢ່າງກວ້າງຂວາງ ແລະ ຕໍ່ເນື່ອງ, ຍົກສູງສະມັດຕະພາບທາງດ້ານຮ່າງກາຍ ແລະ ມານະຈິດໃຈໃນການຮັບໃຊ້ວຽກງານການພັດທະນາເສດຖະກິດ - ສັງຄົມ, ການປົກປັກຮັກສາ ແລະ ສ້າງສາພັດທະນາປະເທດຊາດເປັນການເຄື່ອນໄຫວດ້ານວັດທະນະທຳ - ສັງຄົມ, ສ້າງນໍ້າໃຈສາມັກຄີ ມີລະບຽບວິໄນ ຂອງຊາວໜຸ່ມ, ນັກສຶກສາ, ປັນຍາຊົນ ແລະ ປວງຊົນລາວບັນດາເຜົ່າ. ປະຈຸບັນນີ້ແມ່ນມີຄວາມພ້ອມໃນດ້ານຕ່າງໆເປັນຕົ້ນແມ່ນ ແຕ່ງຕັ້ງອະນຸກຳມະການຕ່າງໆໂດຍສະເພາະແມ່ນ ອະນຸກຳມະການເນື້ອໃນ ແລະ ເລຂາ, ອະນຸກຳມະການດ້ານເສດຖະກິດ, ອະນຸກຳມະການພິທີການສະຖານທີ່, ຕະຫຼາດນັດ ແລະ ສຸຂະພາບ, ອະນຸກຳມະການຂະບວນການໂຄສະນາ ແລະ ປະຊາສຳພັນ, ອະນຸກຳມະການຈັດການແຂ່ງຂັນ ແລະ ອະນຸກຳມະການປ້ອງກັນຊາດ - ປ້ອງກັນຄວາມສະຫງົບ, ດ້ານສະຖານທີ່, ອຸປະກອນການກິລາ ແລະ ອື່ນໆ ເຊິ່ງການແຂ່ງຂັນຄັ້ງນີ້ຈະມີການຊິງໄຊເອົາຫຼຽນ ແລະ ຂັນແຫ່ງກຽດຕິຍົດ ມີທັງໜົດ 7 ລາຍການຄື: ດ່ຽວຍິງ - ຊາຍ, ຄູ່ຍິງ - ຊາຍ, ທິມຍິງ - ຊາຍ ແລະ ທິມກິດຕິມະສັກ ຮຸ່ນອາຍຸ 45 ປີຂຶ້ນໄປ ເຊິ່ງມີຄະນະນຳ, ຄູຝຶກ ແລະ ນັກກິລາຈຳນວນຫຼວງຫຼາຍຈາກທົ່ວປະເທດເຂົ້າຮ່ວມ.

            ເພື່ອເຮັດໃຫ້ງານແຂ່ງຂັນມີບັນຍາກາດຟົດຟື້ນ ແລະ ມີຂະບວນການເບີກບານມ່ວນຊື່ນເຕັມໄປດ້ວຍຜູ້ຊົມ ແລະ ຜູ້ເຊຍ ທ່ານປະທານສະຫະພັນກິລາເປຕັງແຂວງ ສາລະວັນ ຈຶ່ງໄດ້ເຊີນຊວນບັນດາທ່ານ, ພໍ່ແມ່ພີ່ນ້ອງປະຊາຊົນບັນດາເຜົ່າ ພາກສ່ວນຕ່າງໆທົ່ວປະເທດ ທັງພາກລັດ ແລະ ເອກະຊົນ ຈົ່ງເສຍສະຫຼະເວລາອັນມີຄ່າເຂົ້າຮ່ວມງານຄັ້ງນີ້ ແລະ ປະກອບສ່ວນອຸປະຖຳໃຫ້ງານດັ່ງກ່າງສຳເລັດຢ່າງຈົບງາມ.

 

ຂ່າວໂດຍ: ແຫຼງຄຳບຸດນາໂຄກ

ອັບໂຫຼດຂາວໂດຍ: ໂອເລ້ ສິງຂາວເພັດ