313504
ມື້ນີ້
ມື້ວານນີ້
ອາ​ທິດ​ນີ້
ອາ​ທິດ​ທີ່​ແລ້ວ
ເດືອນ​ນີ້
ເດືອນທີ່ຜ່ານມາ
ວັນທັງຫມົດ
96
175
2070
309153
7369
8085
313504
Your IP: 34.228.55.57
2019-03-23 10:43

DSC 0596

ໜ່ວຍ​ຊາວ​ໜຸ່ມພະ​ແນ​ກ ສກຂ ສາລະ​ວັນປະເມີນໜ່ວຍຕົວແບບ 4 ບຸກ

            ​ໃນ​ຕອນ​​ບ່າຍຂອງ​ວັນ​ທີ 10 ມັງກອນ 2018 ນີ້, ທີ່​ຫ້ອງ​ປະຊຸມພະ​ແນ​ກສຶກສາ​ທິການ ​ແລະ ກິລາ​ແຂວງ ສາລະ​ວັນ ( ສກຂ ) ​ໄດ້​ຈັດ​ກອງປະຊຸມກວດກາ ແລະ ປະເມີນຜົນການຈັດຕັ້ງປະຕິບັດຂໍ້ແຂ່ງຂັນ 4 ບຸກ ຂອງໜ່ວຍຮາກຖານຊາວໜຸ່ມພະແນກສຶກສາທິການ ແລະ ກິລາແຂວງ ​ໂດຍ​ເປັນ​ກຽດ​ເຂົ້າ​ຮ່ວມ​ຂອງ ທ່ານ ສົມຈິດ ເພັງສຸວັນນະວົງ ຮອງຫົວໜ້າ​ພະ​ແນ​ກສຶກສາ​ທິການ ​ແລະ ກິລາ​ແຂວງ, ​ທ່ານ ສຸ​ວຽງ​ທອງ ສຸຂະ​ວົງ ຮອງ​ເລຂາ​ຄະນະ​ບໍລິຫານ​ງານ​ຊາວ​ໜຸ່ມ​ແຂວງ, ທ່ານ ບຸນກວ້າງ ໄຊໂກສີ ​​ເລຂາ​ໜ່ວຍ​ຊາວ​ໜຸ່ມ​ພະ​ແນ​ກສຶກສາ​ທິການ ​ແລະ ກິລາ​ແຂວງ ສາລະ​ວັນ, ມີທ່ານຄະນະກວດກາຊາວໜຸ່ມແຂວງ, ພ້ອມ​ດ້ວຍສະມາ​ຊິກ​ຊາວ​ໜຸ່ມ​ພະ​ແນ​ກ ສກຂ ​ເຂົ້າ​ຮ່ວມ​ຢ່າງ​ພ້ອມພຽງ.

          DSC 0591  ​ໃນ​ພິທີ ທ່ານ ບຸນ​​ເກີດ ອິນ​ທະນຸ​ດ ກໍ່​ໄດ້​ໃຫ້​ກຽດ​ຂຶ້ນ​ຜ່ານ​ບົດ​ສະຫຼຸບ​ການຈັດ​ຕັ້ງ​ປະຕິບັດ​ຂໍ້​ແຂ່ງຂັນ 4 ບຸກ ປະຈຳ​ປີ 2018 ​ແລະ ທິດ​ທາງ​ແຜນການ​ເຄື່ອນ​ໄຫວ​ວຽກ​ງານ 4 ບຸກ ປະຈຳ​ປີ 2019ຂອງ​ໜ່ວຍ​ຊາວ​ໜຸ່ມ​ພະ​ແນ​ກສຶກສາ​ທິການ​ແລະ​ກິລາ​ ​ເຊິ່ງບາງ​ຕອນ​ທ່ານ​ໄດ້​ກ່າວ​ວ່າ: ໜ່ວຍ​ຊາວ​ໜຸ່ມ​ພະ​ແນ​ກ ສກຂ ສາລະ​ວັນ​ ມີ​ສະມາຊິກ​ທັງ​ໜົດ 42 ສະຫາຍ, ຍິງ 20 ສະຫາຍ, ຜ່ານ​ການຈັດ​ຕັ້ງ​ປະຕິບັດ​ຂະ​ບວນການ 4 ບຸກ​ຄື: ​ສ້າງ​ສະມາຊິກ​ຊາວ​ໜຸ່ມ​ໃຫ້​ມີ​ນ້ຳ​ໃຈ​ຮັກ​ຊາດ, ຮັກ​ລະບອບ​ໃໝ່​ຢ່າງ​ດູດ​ດື່ມ, ຍົກ​ສູງ​ສະຕິ​ຕໍ່​ການ, ​ເປັນ​ເຈົ້າຕົນ​ເອງ, ​ເຮັດ​ໃຫ້​ຊາວ​ໜຸ່ມ​ມີ​ຄວາມ​ເຂັ້ມ​ແຂງ​ທາງ​ດ້ານ​ການ​ເມືອງ - ​ແນວ​ຄິດ, ການຈັດ​ຕັ້ງ​ແບບ​ແຜນ ​ແລະ ວິທີ​ຈັດ​ຕັ້ງ​​ເຄື່ອນ​ໄຫວ​ຢ່າງ​ຖືກຕ້ອງ, ​ເສີມ​ຂະຫຍາຍ​ສະຕິ​ປັນຍາ ຫົວຄິດ​ປະດິດ​ສ້າງ, ຕ້ານ​ສະກັດ​ກັ້ນ​ທຸກ​ປະກົດ​ການ​ຫຍໍ້​ທໍ້​ຕ່າງໆ, ​ເຕົ້າ​ລວມກຳລັງ​ແຮງ​ຂອງ​ຊາວ​ໜຸ່ມ​ເຂົ້າ​ຮ່ວມ ​ແລະ ​ເປັນ​ເຈົ້າ​ການ​ປະຕິບັດ​ແນວທາງ , ນະ​ໂຍບາຍ​ຂອງ​ພັກ, ລະບຽບກົດ​ໜາຍ​ຂອງ​ບ້ານ​ເມືອງ ​ແລະ ​ແຜນ​ພັດທະນາ​ເສດຖະກິດ - ສັງຄົມ​ຢ່າງ​ເປັນ​ຂະ​ບວນການ ພ້ອມ​ທັງ​ປະຕິບັດ 2 ໜ້າ​ທີ່​ຍຸດ​ທະ​ຍາດ​ຄື: ປົກ​ປັກ​ຮັກສາ ​ແລະ ສ້າງສາ​ປະ​ເທດ​ຊາດ. ຕີ​ລາຄາ​ການຈັດ​ຕັ້ງ​ປະຕິບັດ​ຂໍ້​ແຂ່ງ​ຂັນ 4 ບຸກ​ໃນ​ໄລຍະ​ຜ່ານ​ມາ​ເປັນ​ຕົ້ນ​ແມ່ນ​ດ້ານແນວ​ຄິດ ປະຕິບັດ​ໄດ້ 91%, ບຸກດ້ານ​ການ​ຝຶກ​ຝົນ​ຫຼໍ່ໍ່ຫຼອມຮ່ຳຮຽນ 92%, ບຸກດ້ານ​ການຈັດ​ຕັ້ງ​ແລະ ບຸກດ້ານ​ວິຊາ​ຊີບ, ສ້າງ​ວຽກ​ເຮັດ​ງານ​ທຳ ປະ​ຕິ​ບັດ​ໄດ້ 91%, ແມ່ນ​ໄດ້​ສ້າງ​ສະມາຊິກ​ຊາວ​ໜຸ່ມ​ໃຫ້​ມີ​ນ້ຳ​ໃຈ​ຮັກ​ຊາດ, ຮັກ​ລະບອບ​ໃໝ່, ຍົກ​ສູງ​ສະຕິ​ຕໍ່​ຊາດ, ​ເປັນ​ເຈົ້າ​ຕົນ​ເອງ, ​ເຮັດ​ໃຫ້​ຊາວ​ໜຸ່ມ​ມີ​ຄວາມ​ເຂັ້ມ​ແຂງ​ທາງ​ດ້ານ​ການ​ເມືອງ​ແນວ​ຄິດ, ​ເສີມ​ຂະຫຍາຍ​ສະຕິ​ປັນຍາ, ຫົວຄິດ​ປະດິດ​ສ້າງ, ຕ້ານ ​ແລະ ສະກັດ​ກັ້ນ​ທຸກ​ປະກົດ​ຫຍໍ້​ທໍ້​ຕ່າງໆ​, ​ເຕົ້າ​ໂຮມ​ທຸກ​ກຳລັງ​ແຮງ​ຂອງ​ຊາວ​ໝຸ່ມທຸກ​ພາກສ່ວນ​ໃນ​ສັງຄົມ​ເຂົ້າ​ຮ່ວມ​ປະຕິບັດ​ແນວທາງ​ນະ​ໂຍບ​າຍຂອງ​ພັກ ລະບຽບ​ກົດ​ໜາຍ​ຂອງ​ລັດ ​ແລະ ​ແຜນ​ພັດທະນາ​ເສດຖະກິດ​ສັງຄົມ​ຢ່າງ​ເປັນ​ຂະ​ບວນ, ພ້ອມ​ທັງ​ປະຕິບັດ 2 ໜ້າ​ທີ່​ຍຸດ​ທະ​ສາດ​ຄື ປົກ​ປັກ​ຮັກສາ ​ແລະ ສ້າງສາ​ປະ​ເທດ​ຊາດ ສາມາດ​ຕີ​ລາຄາ​ການຈັດ​ຕັ້ງ​ປະຕິບັດ​ຂໍ້​ແຂ່ງຂັນ 4 ບຸກຄື ທາງ​ດ້ານ​ແນວ​ຄິດ ຊາວ​ໜຸ່ມ​ແຕ່​ລະສະ​ຫາຍ​ມີ​ແນວ​ຄິອຸ່ນ​ອ່ຽງທຸ່ນ​ທ່ຽງ​, ມີ​ແນວ​ຄິດ​ຮັກ​ຊາດ ​ເຊື່ອ​ໜັ້ນຕໍ່​ການ​ນຳພາ​ຂອງ​ພັກ, ບຸກດ້ານ​ການຝຶກຝົນ​ຫຼໍ່​ຫຼອມ​ຮ່ຳຮຽນເອົາຄວາມຮູ້ຄວາມສາມາດ ທາງດ້ານວັດທະນະທຳ ດ້ານວິຊາສະເພາະ, ວິຊາຊີບ ແລະ ວິທະຍາສາດໃໝ່ໆ, ຮ່ໍາຮຽນໃຫ້ຮູ້ນໍາໃຊ້ວິທະຍາສາດເຕັກໂນໂລຊີທີ່ທັນສະໄໜຂອງໂລກ,ຮ່ຳຮຽນພາສາຕ່າງປະເທດ,ຮ່ຳຮຽນປະຫວັດສາດຂອງຊາດ, ຄຸນສົມບັດສິນທໍາປະຕິວັດ, ມູນເຊື້ອຄວາມດຸໜັ່ນ - ຄວາມສາມັກຄີຂອງປະຊາຊົນບັນດາເຜົ່າ. ບຸກດ້ານວຽກງານການຈັດຕັ້ງ ໄດ້ມີການເຕົ້າລວມ ແລະ ແບ່ງຄວາມຮັບຜິດຊອບອອກເປັນ 4 ຈຸເພື່ອສະດວກໃນການຕິດຕາມ ແລະ ສໍາຫຼວດກວດກາຕຳນິກໍ່ສ້າງເຊິ່ງກັນ ແລະ ກັນ ຕ້ານ ແລະ ສະກັດກັ້ນປະກົດການຫຍໍ້ທໍ້ໃນຖັນແຖວສະມາຊິກຊາວໜຸ່ມ ແລະ ໄດ້ໄດ້ເຄື່ອນຕາມການຈັດຕັ້ງຂອງຕົນສັງກັດເປັນຢ່າງດີ.     

            ສຳລັບທິດທາງແຜນການໃນຕໍ່ໜ້າທ່ານ ບຸນ​ເກີດ ອິນ​ທະນຸ​ດ ໄດ້ກ່າວຕື່ມອີກວ່າ: ຈະສືບຕໍ່ເພີ່ມທະວີສຶກສາອົບຮົມແນວຄິດການເມືອງ ແລະ ກໍ່ສ້າງຊາວໜຸ່ມເຍົາວະຊົນໃຫ້ມີນໍ້າໃຈຮັກຊາດ ຮັກລະບອບໃໝ່ ເຊື່ອໜັ້ນຕໍ່ການນຳພາຂອງພັກ,ສ້າງໃຫ້ຊາວໜຸ່ມມີຫົວຄິດປະດິດສ້າງ, ມີຄວາມຮັບຜິດຊອບຕໍ່ໜ້າທີ່ຂອງຕົນ, ຍົກລະດັບຄວາມຮູ້ຄວາມສາມາດຂອງສະມາຊິກໃຫ້ດີຂຶ້ນທາງດ້ານທິດສະດີ ແລະ ວິຊາສະເພາະ,ສູ້ຊົນທຸກວິທີເພື່ອໃຫ້ຊາວໜຸ່ມມີອາຊີບເສີມ, ພັດທະນາຄອບຄົວໃຫ້ມີຢູ່ມີກິນ ເປັນຄອບຄົວທີ່ມີຄວາມອົບອຸ່ນສົມບູນ ແລະ ເປັນຄອບຄົວຕົວແບບທາງວັດທະນະທຳ, ເພີ່ມທະວີຄວາມສາມັກຄີພາຍໃນໃຫ້ເລິກເຊິ່ງ - ພາຍນອກໃຫ້ກວ້າງຂວາງ ແນ່ໃສ່ເພື່ອເຮັດໃຫ້ການຈັດຕັ້ງມີຄວາມໜັກແໜ້ນມີຄວາມເຂັ້ມແຂງ ກາຍເປັນເສນາທິການ,ກາຍເປັນແຂນຂວາຂອງພັກ ເປັນກະດູກສັນຫຼັງຂອງປະເທດຊາດ.

            ສຳລັບ​ຄາດ​ໜາຍ​ການຈັດ​ຕັ້ງ​ປະຕິບັດ​ປະຈຳ​ປີ 2019 ​ແມ່ນ​ຈະ​ສູ້​ຊົນ​ໃຫ້​ໄດ້​ໃນ​ແຕ່​ລະ​ດ້ານ​ເປັນ​ຕົ້ນ​ແມ່ນ ດ້ານ​ການ​ເມືອງ​ແນວ​ຄິດ ​ໃຫ້​ໄດ້ 92% ຂຶ້ນ​ໄປ, ດ້ານ​ການ​ຝຶກ​ຝົນ​ຫຼໍ່​ຫຼອມ​ຮ່ຳຮຽນ ​ໃຫ້​ໄດ້ 93% ຂຶ້ນ​ໄປ

 

ຂ່າວໂດຍ: ແຫຼງຄຳ ບຸດນາໂຄກ

ອັບໂຫຼດຂ່າວໂດຍ: ໂອເລ້ ສິງຂາວເພັດ